“Hanti hatthehi pādehi, mukhañca parisumbhati; Sa ve rāja piyo hoti, kaṁ tena tvābhipassasi”.
tvābhipassasi → mabhipassasi (bj)

“Akkosati yathākāmaṁ, āgamañcassa icchati; Sa ve rāja piyo hoti, kaṁ tena tvābhipassasi”.

“Abbhakkhāti abhūtena, alikenābhisāraye; Sa ve rāja piyo hoti, kaṁ tena tvābhipassasi”.

“Haraṁ annañca pānañca, vatthasenāsanāni ca; Aññadatthuharā santā, te ve rāja piyā honti; Kaṁ tena tvābhipassasī”ti.

Devatāpañhajātakaṁ dasamaṁ.

Cūḷakuṇālavaggo pañcamo.
Cūḷakuṇālavaggo → cullakuṇālavaggo (sya1ed, sya2ed)

Tassuddānaṁ

Narānaṁ asakkhivasimhavaro, nīliyamaggivarañca puna; Puna rasāyasakūṭavaro, tathārañña sārathi hanti dasāti.

Atha vagguddānaṁ

Kāliṅgaṁ pucimandañca, kuṭidūsaka kokilā;
Kāliṅgaṁ → vivaraṁ (bahūsu) kuṭidūsaka kokilā → kuṭidūsaṁ bahubhāṇakaṁ (bahūsu) Cūḷakuṇālavaggo so, pañcamo suppakāsitoti.

Catukkanipātaṁ niṭṭhitaṁ.