“Aññe socanti rodanti, aññe assumukhā janā; Pasannamukhavaṇṇosi, kasmā ghaṭa na socasi”.
ghaṭa → ghata (bj, pts-vp-pli1)

“Nābbhatītaharo soko, nānāgatasukhāvaho; Tasmā dhaṅka na socāmi, natthi soke dutīyatā.
dhaṅka → vaṅka (si, pts-vp-pli1) natthi soke dutīyatā → soko dutīyatā (bj); soke dutiyyatā (pts-vp-pli1); soko dutīyakā (mr)

Socaṁ paṇḍu kiso hoti, bhattañcassa na ruccati; Amittā sumanā honti, sallaviddhassa ruppato.

Gāme vā yadi vāraññe, ninne vā yadi vā thale; Ṭhitaṁ maṁ nāgamissati, evaṁ diṭṭhapado ahaṁ.

Yassattā nālamekova, sabbakāmarasāharo; Sabbāpi pathavī tassa, na sukhaṁ āvahissatī”ti.

Ghaṭajātakaṁ pañcamaṁ.
Ghaṭajātakaṁ → ghatajātakaṁ (bj, pts-vp-pli1); dhaṅkajātakaṁ (sya1ed, sya2ed)