“Eko araññe girikandarāyaṁ, paggayha paggayha silaṁ pavecchasi;
pavecchasi → pavejjhasi (bj-a, sya1ed, sya2ed) Punappunaṁ santaramānarūpo, koraṇḍiya ko nu tava yidhattho”.

“Ahañhimaṁ sāgara sevitantaṁ, samaṁ karissāmi yathāpi pāṇi; Vikiriya sānūni ca pabbatāni ca, tasmā silaṁ dariyā pakkhipāmi”.

“Nayimaṁ mahiṁ arahati pāṇikappaṁ, samaṁ manusso karaṇāya meko; Maññāmimaññeva dariṁ jigīsaṁ, koraṇḍiya hāhasi jīvalokaṁ”.
jigīsaṁ → jigiṁsaṁ (bj, sya1ed, sya2ed, pts-vp-pli1) hāhasi → hāyasi (bj, sya1ed, sya2ed, mr)

“Sace ahaṁ bhūtadharaṁ na sakkā, samaṁ manusso karaṇāya meko;
ahaṁ → ayaṁ (bj, sya1ed, sya2ed, pts-vp-pli1) | sakkā → sakko (bj, sya1ed, sya2ed, mr); sattho (pts-vp-pli1) Evameva tvaṁ brahme ime manusse, nānādiṭṭhike nānayissasi te”.
te → ne (mr)

“Saṅkhittarūpena bhavaṁ mamatthaṁ, akkhāsi koraṇḍiya evametaṁ; Yathā na sakkā pathavī samāyaṁ, kattuṁ manussena tathā manussā”ti.

Koraṇḍiyajātakaṁ chaṭṭhaṁ.
Koraṇḍiyajātakaṁ → kāraṇḍiyajātakaṁ (bj, pts-vp-pli1); kārandiyajātakaṁ (sya1ed, sya2ed)