“Kyāhaṁ devānamakaraṁ, kiṁ pāpaṁ pakataṁ mayā; Yaṁ me sirasmiṁ ohacca, cakkaṁ bhamati matthake”.
ohacca → ūhacca (pts-vp-pli1); uhacca (mr)

“Atikkamma ramaṇakaṁ, sadāmattañca dūbhakaṁ; Brahmattarañca pāsādaṁ, kenatthena idhāgato”.

“Ito bahutarā bhogā, atra maññe bhavissare; Iti etāya saññāya, passa maṁ byasanaṁ gataṁ”.

“Catubbhi aṭṭhajjhagamā, aṭṭhāhipi ca soḷasa;
aṭṭhāhipi ca → aṭṭhakābhi (bj); aṭṭhābhi cāpi (sya1ed, sya2ed, mr) Soḷasāhi ca bāttiṁsa, atricchaṁ cakkamāsado; Icchāhatassa posassa, cakkaṁ bhamati matthake.

Uparivisālā duppūrā, icchā visaṭagāminī;
Uparivisālā duppūrā → uparivisālaṁ duppūraṁ (pts-vp-pli1) icchā visaṭagāminī → icchā visadagāminī (bj); icchāvisaṭagāminiṁ (pts-vp-pli1) Ye ca taṁ anugijjhanti, te honti cakkadhārino”ti.

Mittavindakajātakaṁ navamaṁ.
Mittavindakajātakaṁ → mittavindukajātakaṁ (sya1ed, sya2ed); mittavindajātakaṁ (pts-vp-pli1)