“Sabbaṁ bhaṇḍaṁ samādāya, pāraṁ tiṇṇosi brāhmaṇa; Paccāgaccha lahuṁ khippaṁ, mampi tārehi dānito”.
dānito → dāni bho (sya1ed, sya2ed)

“Asanthutaṁ maṁ cirasanthutena, nimīni bhotī addhuvaṁ dhuvena; Mayāpi bhotī nimineyya aññaṁ, ito ahaṁ dūrataraṁ gamissaṁ”.

“Kāyaṁ eḷagalāgumbe, karoti ahuhāsiyaṁ;
eḷagalāgumbe → eḷagaṇigumbe (sya1ed, sya2ed); eḷagaṇagumbe (mr) Nayīdha naccagītaṁ vā, tāḷaṁ vā susamāhitaṁ;
Nayīdha naccagītaṁ vā → nayidha naccaṁ vā gītaṁ vā (bj, sya1ed, sya2ed, pts-vp-pli1) Anamhikāle susoṇi, kiṁ nu jagghasi sobhane”.
Anamhikāle → anamhakāle (pts-vp-pli1) | susoṇi → sussoṇi (bj, sya1ed, sya2ed, pts-vp-pli1) sobhane → sobhaṇe (pts-vp-pli1, mr)

“Siṅgāla bāla dummedha, appapaññosi jambuka; Jīno macchañca pesiñca, kapaṇo viya jhāyasi”.

“Sudassaṁ vajjamaññesaṁ, attano pana duddasaṁ; Jīnā patiñca jārañca, maññe tvaññeva jhāyasi”.
maññe tvaññeva → mampi tvaññeva (bj, sya1ed, sya2ed); tvampi maññeva (pts-vp-pli1)

“Evametaṁ migarāja, yathā bhāsasi jambuka; Sā nūnāhaṁ ito gantvā, bhattu hessaṁ vasānugā”.

“Yo hare mattikaṁ thālaṁ, kaṁsathālampi so hare; Katañceva tayā pāpaṁ, punapevaṁ karissasī”ti.
Katañceva → kataṁyeva (bj, sya1ed, sya2ed, pts-vp-pli1)

Cūḷadhanuggahajātakaṁ catutthaṁ.
Cūḷadhanuggahajātakaṁ → culladhanuggahajātakaṁ (bj, sya1ed, sya2ed, pts-vp-pli1)