“Mā tāta kujjhi na hi sādhu kodho, bahumpi te adiṭṭhamassutañca; Mātā pitā disatā setaketu, ācariyamāhu disataṁ pasatthā.
disatā → disā tāta (sya1ed, sya2ed); disā tā (pts-vp-pli1)

Agārino annadapānavatthadā, avhāyikā tampi disaṁ vadanti;
annadapānavatthadā → annadapāṇavatthadā (bj); annapānavatthadā (sya1ed, sya2ed, mr) Esā disā paramā setaketu, yaṁ patvā dukkhī sukhino bhavanti”.

“Kharājinā jaṭilā paṅkadantā, dummakkharūpā yeme jappanti mante;
dummakkharūpā → dumukkharūpā (bj, sya1ed, sya2ed); dummukkharūpā (pts-vp-pli1, mr) Kacci nu te mānusake payoge, idaṁ vidū parimuttā apāyā”.

“Pāpāni kammāni katvāna rāja, bahussuto ce na careyya dhammaṁ;
bahussuto ce na → bahussuto neva (bj, sya1ed, sya2ed) Sahassavedopi na taṁ paṭicca, dukkhā pamucce caraṇaṁ apatvā”.

“Sahassavedopi na taṁ paṭicca, dukkhā pamucce caraṇaṁ apatvā; Maññāmi vedā aphalā bhavanti, sasaṁyamaṁ caraṇameva saccaṁ”.
caraṇameva → caraṇaññeva (bj, sya1ed, sya2ed, pts-vp-pli1)

“Na heva vedā aphalā bhavanti, sasaṁyamaṁ caraṇameva saccaṁ; Kittiñhi pappoti adhicca vede, santiṁ puṇeti caraṇena danto”ti.
santiṁ puṇeti → santaṁ puno'ti (bj); santiṁ puneti (pts-vp-pli1)

Setaketujātakaṁ dutiyaṁ.