“Kā nu kāḷena vaṇṇena, na cāpi piyadassanā;
na cāpi → na cāsi (bj) Kā vā tvaṁ kassa vā dhītā, kathaṁ jānemu taṁ mayaṁ”.

“Mahārājassahaṁ dhītā, virūpakkhassa caṇḍiyā; Ahaṁ kāḷī alakkhikā, kāḷakaṇṇīti maṁ vidū; Okāsaṁ yācito dehi, vasemu tava santike”.

“Kiṁsīle kiṁsamācāre, purise nivisase tuvaṁ; Puṭṭhā me kāḷi akkhāhi, kathaṁ jānemu taṁ mayaṁ”.
kathaṁ → yathā (bj, pts-vp-pli1)

“Makkhī paḷāsī sārambhī, issukī maccharī saṭho; So mayhaṁ puriso kanto, laddhaṁ yassa vinassati.

Kodhano upanāhī ca, pisuṇo ca vibhedako; Kaṇḍakavāco pharuso, so me kantataro tato.
Kaṇḍakavāco → aṇḍakavāco (si, pts-vp-pli1); kaṇṭakavāco (sya1ed, sya2ed)

Ajja suveti puriso, sadatthaṁ nāvabujjhati; Ovajjamāno kuppati, seyyaṁ so atimaññati.

Davappaluddho puriso, sabbamittehi dhaṁsati;
Davappaluddho → davappaladdho (pts-vp-pli1); devappaluddho (mr) So mayhaṁ puriso kanto, tasmiṁ homi anāmayā”.

“Apehi etto tvaṁ kāḷi, netaṁ amhesu vijjati; Aññaṁ janapadaṁ gaccha, nigame rājadhāniyo”.

“Ahampi kho taṁ jānāmi, netaṁ tumhesu vijjati; Santi loke alakkhikā, saṅgharanti bahuṁ dhanaṁ; Ahaṁ devo ca me bhātā, ubho naṁ vidhamāmase”.

“Kā nu dibbena vaṇṇena, pathabyā supatiṭṭhitā; Kā vā tvaṁ kassa vā dhītā, kathaṁ jānemu taṁ mayaṁ”.

“Mahārājassahaṁ dhītā, dhataraṭṭhassa sirīmato;
dhataraṭṭhassa sirīmato → dhataraṭṭhasirīmato (sya1ed, sya2ed, mr) Ahaṁ sirī ca lakkhī ca, bhūripaññāti maṁ vidū; Okāsaṁ yācito dehi, vasemu tava santike”.

“Kiṁsīle kiṁsamācāre, purise nivisase tuvaṁ; Puṭṭhā me lakkhi akkhāhi, kathaṁ jānemu taṁ mayaṁ”.
kathaṁ → yathā (bj, sya1ed, sya2ed, pts-vp-pli1)

“Yo cāpi sīte atha vāpi uṇhe, vātātape ḍaṁsasarīsape ca; Khudhaṁ pipāsaṁ abhibhuyya sabbaṁ, rattindivaṁ yo satataṁ niyutto.
Khudhaṁ → khudaṁ (bj, pts-vp-pli1); khuddaṁ (sya1ed, mr); khudda (sya2ed)

Kālāgatañca na hāpeti atthaṁ, so me manāpo nivise ca tamhi; Akkodhano mittavā cāgavā ca, sīlūpapanno asaṭhojubhūto.
asaṭhojubhūto → asathojubhūto (sya1ed, sya2ed); asaṭho ujjubhūto (pts-vp-pli1)

Saṅgāhako sakhilo saṇhavāco, mahattapattopi nivātavutti; Tasmiṁhaṁ pose vipulā bhavāmi, ūmi samuddassa yathāpi vaṇṇaṁ.
Tasmiṁhaṁ → tasmāhaṁ (bj, pts-vp-pli1); tasmiṁha (sya1ed, sya2ed)

Yo cāpi mitte atha vā amitte, seṭṭhe sarikkhe atha vāpi hīne; Atthaṁ carantaṁ atha vā anatthaṁ, āvī raho saṅgahameva vatte.
vatte → vatto (sya1ed, sya2ed, mr)

Vācaṁ na vajjā pharusaṁ kadāci, matassa jīvassa ca tassa homi; Etesaṁ yo aññataraṁ labhitvā, kantā sirī majjati appapañño;
kantā sirī → kantaṁ siriṁ (sya1ed, sya2ed); kantasiriṁ (katthaci) Taṁ dittarūpaṁ visamaṁ carantaṁ, karīsaṭhānaṁva vivajjayāmi.
karīsaṭhānaṁva → karīsajātaṁ va (bj, sya1ed, sya2ed); karīsavācaṁ va (pts-vp-pli1)

Attanā kurute lakkhiṁ, alakkhiṁ kurutattanā; Na hi lakkhiṁ alakkhiṁ vā, añño aññassa kārako”ti.

Sirikāḷakaṇṇijātakaṁ sattamaṁ.
Sirikāḷakaṇṇijātakaṁ → sirikālakaṇṇijātakaṁ (bj, pts-vp-pli1)