“Navachannake dāni diyyati, puṇṇāyaṁ doṇi suvāminī ṭhitā;
Navachannake → navachandake (bj, pts-vp-pli1); navacchaddake (sya1ed, sya2ed) | dāni → doṇi (mr); dāne (katthaci) Bahuke jane pāsapāṇike, no ca kho me paṭibhāti bhuñjituṁ”.

“Tasasi bhamasi leṇamicchasi, attāṇosi kuhiṁ gamissasi; Appossukko bhuñja tuṇḍila, maṁsatthāya hi positāmhase.
positāmhase → posiyāmase (bj, sya1ed, sya2ed, pts-vp-pli1)

Ogaha rahadaṁ akaddamaṁ, sabbaṁ sedamalaṁ pavāhaya; Gaṇhāhi navaṁ vilepanaṁ, yassa gandho na kadāci chijjati”.

“Katamo rahado akaddamo, kiṁsu sedamalanti vuccati; Katamañca navaṁ vilepanaṁ, yassa gandho na kadāci chijjati”.

“Dhammo rahado akaddamo, pāpaṁ sedamalanti vuccati; Sīlañca navaṁ vilepanaṁ, tassa gandho na kadāci chijjati.

Nandanti sarīraghātino, na ca nandanti sarīradhārino; Puṇṇāya ca puṇṇamāsiyā, ramamānāva jahanti jīvitan”ti.

Tuṇḍilajātakaṁ tatiyaṁ.