“Siṅgīmigo āyatacakkhunetto, aṭṭhittaco vārisayo alomo; Tenābhibhūto kapaṇaṁ rudāmi, hare sakhā kissa nu maṁ jahāsi”.

So passasanto mahatā phaṇena, bhujaṅgamo kakkaṭamajjhapatto; Sakhā sakhāraṁ paritāyamāno, bhujaṅgamaṁ kakkaṭako gahesi.

“Na vāyasaṁ no pana kaṇhasappaṁ, ghāsatthiko kakkaṭako adeyya; Pucchāmi taṁ āyatacakkhunetta, atha kissa hetumha ubho gahītā”.

“Ayaṁ puriso mama atthakāmo, yo maṁ gahetvāna dakāya neti; Tasmiṁ mate dukkhamanappakaṁ me, ahañca eso ca ubho na homa.

Mamañca disvāna pavaddhakāyaṁ, sabbo jano hiṁsitumeva micche;
disvāna → disvā (bj); disva (pts-vp-pli1) Sāduñca thūlañca muduñca maṁsaṁ, kākāpi maṁ disvāna viheṭhayeyyuṁ”.

“Sacetassa hetumha ubho gahītā, uṭṭhātu poso visamāvamāmi;
visamāvamāmi → visamācamāmi (bj, pts-vp-pli1, mr) Mamañca kākañca pamuñca khippaṁ, pure visaṁ gāḷhamupeti maccaṁ”.

“Sappaṁ pamokkhāmi na tāva kākaṁ, paṭibandhako hohiti tāva kāko;
paṭibandhako → paṭibaddhako (bj, sya1ed, sya2ed, pts-vp-pli1) | hohiti → hoti hi (sya1ed, sya2ed) Purisañca disvāna sukhiṁ arogaṁ, kākaṁ pamokkhāmi yatheva sappaṁ”.

“Kāko tadā devadatto ahosi, māro pana kaṇhasappo ahosi; Ānandabhaddo kakkaṭako ahosi, ahaṁ tadā brāhmaṇo homi satthā”ti.
satthā”ti → tatthāti (pts-vp-pli1)

Suvaṇṇakakkaṭajātakaṁ catutthaṁ.
Suvaṇṇakakkaṭajātakaṁ → suvaṇṇakakkaṭakajātakaṁ (bj, sya1ed, sya2ed, pts-vp-pli1)