“Sakuṇo mayhako nāma, girisānudarīcaro; Pakkaṁ pipphalimāruyha, mayhaṁ mayhanti kandati.

Tassevaṁ vilapantassa, dijasaṅghā samāgatā; Bhutvāna pipphaliṁ yanti, vilapatveva so dijo.

Evameva idhekacco, saṅgharitvā bahuṁ dhanaṁ; Nevattano na ñātīnaṁ, yathodhiṁ paṭipajjati.

Na so acchādanaṁ bhattaṁ, na mālaṁ na vilepanaṁ; Anubhoti sakiṁ kiñci, na saṅgaṇhāti ñātake.
Anubhoti → nānubhoti (sya1ed, sya2ed, mr)

Tassevaṁ vilapantassa, mayhaṁ mayhanti rakkhato; Rājāno atha vā corā, dāyādā ye va appiyā; Dhanamādāya gacchanti, vilapatveva so naro.

Dhīro bhoge adhigamma, saṅgaṇhāti ca ñātake;
Dhīro → dhīro ca (bj) Tena so kittiṁ pappoti, pecca sagge pamodatī”ti.
sagge pamodatī”ti → sagge ca modatīti (bj, pts-vp-pli1)

Mayhakajātakaṁ pañcamaṁ.
Mayhakajātakaṁ → mayhakasakuṇajātakaṁ (sya1ed, sya2ed)