“Dubbaṇṇarūpaṁ tuvamariyavaṇṇī, purakkhatvā pañjaliko namassasi;
purakkhatvā → purakkhitvā (sya1ed, sya2ed, mr) Seyyo nu te so udavā sarikkho, nāmaṁ parassattano cāpi brūhi”.
udavā → udāhu (sya1ed, sya2ed, mr)

“Na nāmagottaṁ gaṇhanti rāja, sammaggatānujjugatāna devā;
sammaggatānujjugatāna → samaggatānujjugatāna (sya1ed, sya2ed); samuggatānujjugatāna (mr) Ahañca te nāmadheyyaṁ vadāmi, sakkohamasmī tidasānamindo”.

“Yo disvā bhikkhuṁ caraṇūpapannaṁ, purakkhatvā pañjaliko namassati; Pucchāmi taṁ devarājetamatthaṁ, ito cuto kiṁ labhate sukhaṁ so”.

“Yo disvā bhikkhuṁ caraṇūpapannaṁ, purakkhatvā pañjaliko namassati; Diṭṭheva dhamme labhate pasaṁsaṁ, saggañca so yāti sarīrabhedā”.

“Lakkhī vata me udapādi ajja, yaṁ vāsavaṁ bhūtapatiddasāma; Bhikkhuñca disvāna tuvañca sakka, kāhāmi puññāni anappakāni”.

“Addhā have sevitabbā sapaññā, bahussutā ye bahuṭhānacintino; Bhikkhuñca disvāna mamañca rāja, karohi puññāni anappakāni”.

“Akkodhano niccapasannacitto, sabbātithīyācayogo bhavitvā; Nihacca mānaṁ abhivādayissaṁ, sutvāna devinda subhāsitānī”ti.

Vijjādharajātakaṁ chaṭṭhaṁ.
Vijjādharajātakaṁ → dhajaviheṭhajātakaṁ (bj, pts-vp-pli1); pabbajitaviheṭhakajātakaṁ (sya1ed, sya2ed)