“Yametaṁ vārijaṁ pupphaṁ, adinnaṁ upasiṅghasi;
Yametaṁ → yamekaṁ (pts-vp-pli1) Ekaṅgametaṁ theyyānaṁ, gandhathenosi mārisa”.

“Na harāmi na bhañjāmi, ārā siṅghāmi vārijaṁ; Atha kena nu vaṇṇena, gandhathenoti vuccati.

Yoyaṁ bhisāni khaṇati, puṇḍarīkāni bhañjati; Evaṁ ākiṇṇakammanto, kasmā eso na vuccati”.

“Ākiṇṇaluddo puriso, dhāticelaṁva makkhito; Tasmiṁ me vacanaṁ natthi, tañcārahāmi vattave.

Anaṅgaṇassa posassa, niccaṁ sucigavesino; Vālaggamattaṁ pāpassa, abbhāmattaṁva khāyati”.

“Addhā maṁ yakkha jānāsi, atho maṁ anukampasi; Punapi yakkha vajjāsi, yadā passasi edisaṁ”.

“Neva taṁ upajīvāmi, napi te bhatakāmhase;
bhatakāmhase → bhatakamhase (bj, pts-vp-pli1); bhatikamhase (sya1ed, sya2ed) Tvameva bhikkhu jāneyya, yena gaccheyya suggatin”ti.

Siṅghapupphajātakaṁ sattamaṁ.
Siṅghapupphajātakaṁ → bhisapupphajātakaṁ (bj, pts-vp-pli1); upasiṅghapupphajātakaṁ (sya1ed, sya2ed)