“Diyaḍḍhakukkū udayena kaṇṇikā, vidatthiyo aṭṭha parikkhipanti naṁ; Sā siṁsapā sāramayā apheggukā, kuhiṁ ṭhitā upparito na dhaṁsati”.
siṁsapā → sasiṁsapā (bj, pts-vp-pli1); sā sīsapā (sya1ed, sya2ed); yā siṁsapā (si -nissya) upparito → uparito (bj, sya1ed, sya2ed, pts-vp-pli1)

“Yā tiṁsati sāramayā anujjukā, parikiriya gopānasiyo samaṁ ṭhitā;
parikiriya → pakiriyā (mr) | samaṁ ṭhitā → samaṭṭhitā (bj, sya1ed, sya2ed) Tāhi susaṅgahitā balasā pīḷitā, samaṁ ṭhitā upparito na dhaṁsati.
Tāhi susaṅgahitā balasā pīḷitā → tā saṅgahitā balasā ca pīḷitā (bj); tāhi susaṅgahitā balasā ca pīḷitā (sya1ed, sya2ed); tāhi saṅgahītā balasā papīḷitā (pts-vp-pli1)

Evampi mittehi daḷhehi paṇḍito, abhejjarūpehi sucīhi mantibhi; Susaṅgahīto siriyā na dhaṁsati, gopānasī bhāravahāva kaṇṇikā.

Kharattacaṁ bellaṁ yathāpi satthavā, anāmasantopi karoti tittakaṁ; Samāharaṁ sāduṁ karoti patthiva, asāduṁ kayirā tanubandhamuddharaṁ.
tanubandhamuddharaṁ → tanuvaṭṭamuddharaṁ (bj, pts-vp-pli1)

Evampi gāmanigamesu paṇḍito, asāhasaṁ rājadhanāni saṅgharaṁ; Dhammānuvattī paṭipajjamāno, sa phāti kayirā aviheṭhayaṁ paraṁ.

Odātamūlaṁ sucivārisambhavaṁ, jātaṁ yathā pokkharaṇīsu ambujaṁ; Padumaṁ yathā agginikāsiphālimaṁ, na kaddamo na rajo na vāri limpati.

Evampi vohārasuciṁ asāhasaṁ, visuddhakammantamapetapāpakaṁ; Na limpati kammakilesa tādiso, jātaṁ yathā pokkharaṇīsu ambujan”ti.

Kukkujātakaṁ paṭhamaṁ.