“Anutīracārī bhaddante, sahāyamanudhāva maṁ; Mahā me gahito maccho, so maṁ harati vegasā”.
gahito → rohito (mr)

“Gambhīracārī bhaddante, daḷhaṁ gaṇhāhi thāmasā; Ahaṁ taṁ uddharissāmi, supaṇṇo uragāmiva”.
uragāmiva → uragammiva (bj, sya1ed, sya2ed, pts-vp-pli1)

“Vivādo no samuppanno, dabbhapuppha suṇohi me; Samehi medhagaṁ samma, vivādo vūpasammataṁ”.
medhagaṁ → medhakaṁ (pts-vp-pli1)

“Dhammaṭṭhohaṁ pure āsiṁ, bahū aḍḍā me tīritā;
bahū aḍḍā me tīritā → bahu aṭṭaṁ me tīritaṁ (bj); bahuaṭṭaṁva tīritaṁ (sya1ed, sya2ed); bahu atthaṁ me tīritaṁ (pts-vp-pli1) Samemi medhagaṁ samma, vivādo vūpasammataṁ.

Anutīracāri naṅguṭṭhaṁ, sīsaṁ gambhīracārino; Accāyaṁ majjhimo khaṇḍo, dhammaṭṭhassa bhavissati”.
Accāyaṁ → athāyaṁ (bj, pts-vp-pli1)

“Cirampi bhakkho abhavissa, sace na vivademase; Asīsakaṁ anaṅguṭṭhaṁ, siṅgālo harati rohitaṁ”.

“Yathāpi rājā nandeyya, rajjaṁ laddhāna khattiyo; Evāhamajja nandāmi, disvā puṇṇamukhaṁ patiṁ.

Kathaṁ nu thalajo santo, udake macchaṁ parāmasi; Puṭṭho me samma akkhāhi, kathaṁ adhigataṁ tayā”.

“Vivādena kisā honti, vivādena dhanakkhayā; Jīnā uddā vivādena, bhuñja māyāvi rohitaṁ.

Evameva manussesu, vivādo yattha jāyati; Dhammaṭṭhaṁ paṭidhāvanti, so hi nesaṁ vināyako; Dhanāpi tattha jīyanti, rājakoso pavaḍḍhatī”ti.
pavaḍḍhatī”ti → ca vaḍḍhati (pts-vp-pli1)

Dabbhapupphajātakaṁ pañcamaṁ.
Dabbhapupphajātakaṁ → dabbapupphajātakaṁ (sya1ed, sya2ed)