“Yattha verī nivasati, na vase tattha paṇḍito; Ekarattaṁ dirattaṁ vā, dukkhaṁ vasati verisu.

Diso ve lahucittassa, posassānuvidhīyato; Ekassa kapino hetu, yūthassa anayo kato.

Bālova paṇḍitamānī, yūthassa parihārako;
Bālova → bālo ca (bj, sya1ed, sya2ed, pts-vp-pli1) Sacittassa vasaṁ gantvā, sayethāyaṁ yathā kapi.
sayethāyaṁ → passethāyaṁ (mr)

Na sādhu balavā bālo, yūthassa parihārako; Ahito bhavati ñātīnaṁ, sakuṇānaṁva cetako.
cetako → ceṭako (mr)

Dhīrova balavā sādhu, yūthassa parihārako; Hito bhavati ñātīnaṁ, tidasānaṁva vāsavo.

Yo ca sīlañca paññañca, sutañcattani passati; Ubhinnamatthaṁ carati, attano ca parassa ca.

Tasmā tuleyya mattānaṁ, sīlapaññāsutāmiva;
sīlapaññāsutāmiva → sīlaṁ paññaṁ sutaṁpiva (sya1ed, sya2ed) Gaṇaṁ vā parihare dhīro, eko vāpi paribbaje”ti.

Kapijātakaṁ navamaṁ.