“Ambāhamaddaṁ vanamantarasmiṁ, nīlobhāsaṁ phalitaṁ saṁvirūḷhaṁ;
phalitaṁ → phalinaṁ (bj, pts-vp-pli1) Tamaddasaṁ phalahetu vibhaggaṁ, taṁ disvā bhikkhācariyaṁ carāmi.

Selaṁ sumaṭṭhaṁ naravīraniṭṭhitaṁ, nārī yugaṁ dhārayi appasaddaṁ;
naravīraniṭṭhitaṁ → naravidduniṭṭhitaṁ (mr) Dutiyañca āgamma ahosi saddo, taṁ disvā bhikkhācariyaṁ carāmi.

Dijā dijaṁ kuṇapamāharantaṁ, ekaṁ samānaṁ bahukā samecca; Āhārahetū paripātayiṁsu, taṁ disvā bhikkhācariyaṁ carāmi.

Usabhāhamaddaṁ yūthassa majjhe, calakkakuṁ vaṇṇabalūpapannaṁ; Tamaddasaṁ kāmahetu vitunnaṁ, taṁ disvā bhikkhācariyaṁ carāmi”.

“Karaṇḍako kaliṅgānaṁ, gandhārānañca naggaji;
Karaṇḍako → karaṇḍu nāma (bj, pts-vp-pli1) Nimirājā videhānaṁ, pañcālānañca dummukho; Ete raṭṭhāni hitvāna, pabbajiṁsu akiñcanā.

Sabbepime devasamā samāgatā, aggī yathā pajjalito tathevime; Ahampi eko carissāmi bhaggavi, hitvāna kāmāni yathodhikāni”.

“Ayameva kālo na hi añño atthi, anusāsitā me na bhaveyya pacchā; Ahampi ekā carissāmi bhaggava, sakuṇīva muttā purisassa hatthā”.

“Āmaṁ pakkañca jānanti, atho loṇaṁ aloṇakaṁ; Tamahaṁ disvāna pabbajiṁ, careva tvaṁ carāmahan”ti.

Kumbhakārajātakaṁ tatiyaṁ.