“Ahañce daḷhadhammassa, vahantī nābhirādhayiṁ;
daḷhadhammassa → daḷhadhammāya (bj, pts-vp-pli1) Dharantī urasi sallaṁ, yuddhe vikkantacārinī.

Nūna rājā na jānāti, mama vikkamaporisaṁ;
Nūna rājā na jānāti → naha nūna rājā jānāti (bj, pts-vp-pli1) Saṅgāme sukatantāni, dūtavippahitāni ca.

Sā nūnāhaṁ marissāmi, abandhu aparāyinī;
aparāyinī → aparāyaṇī (?) Tadā hi kumbhakārassa, dinnā chakaṇahārikā”.
Tadā hi → tathā hi (pts-vp-pli1)

“Yāvatāsīsatī poso, tāvadeva pavīṇati; Atthāpāye jahanti naṁ, oṭṭhibyādhiṁva khattiyo.

Yo pubbe katakalyāṇo, katattho nāvabujjhati; Atthā tassa palujjanti, ye honti abhipatthitā.

Yo pubbe katakalyāṇo, katattho manubujjhati; Atthā tassa pavaḍḍhanti, ye honti abhipatthitā.

Taṁ vo vadāmi bhaddante, yāvantettha samāgatā;
bhaddante → bhaddaṁ vo (bj, sya1ed, sya2ed, pts-vp-pli1) Sabbe kataññuno hotha, ciraṁ saggamhi ṭhassathā”ti.

Daḷhadhammajātakaṁ catutthaṁ.