“Yo maṁ pure paccuḍḍeti, araññe dūramāyato;
paccuḍḍeti → paccudeti (bj, sya1ed, sya2ed, pts-vp-pli1); paccuṭṭheti (mr) So na dissati mātaṅgo, somadatto kuhiṁ gato.

Ayaṁ vā so mato seti, allasiṅgaṁva vacchito;
allasiṅgaṁva vacchito → allapiṅkaṁva chijjito (bj, pts-vp-pli1); allapītaṁva vicchito (sya1ed); allapitaṁva vicchito (sya2ed) Bhumyā nipatito seti, amarā vata kuñjaro”.

“Anagāriyupetassa, vippamuttassa te sato; Samaṇassa na taṁ sādhu, yaṁ petamanusocasi”.

“Saṁvāsena have sakka, manussassa migassa vā; Hadaye jāyate pemaṁ, taṁ na sakkā asocituṁ”.

“Mataṁ marissaṁ rodanti, ye rudanti lapanti ca; Tasmā tvaṁ isi mā rodi, roditaṁ moghamāhu santo.

Kanditena have brahme, mato peto samuṭṭhahe; Sabbe saṅgamma rodāma, aññamaññassa ñātake”.

“Ādittaṁ vata maṁ santaṁ, ghatasittaṁva pāvakaṁ; Vārinā viya osiñcaṁ, sabbaṁ nibbāpaye daraṁ.

Abbahī vata me sallaṁ, yamāsi hadayassitaṁ; Yo me sokaparetassa, puttasokaṁ apānudi.

Sohaṁ abbūḷhasallosmi, vītasoko anāvilo; Na socāmi na rodāmi, tava sutvāna vāsavā”ti.

Somadattajātakaṁ pañcamaṁ.