“Ahaṁ dasasataṁbyāmaṁ, uragamādāya āgato; Tañca mañca mahākāyaṁ, dhārayaṁ nappavedhasi.
nappavedhasi → na pavedhayi (mr)

Athimaṁ khuddakaṁ pakkhiṁ, appamaṁsataraṁ mayā; Dhārayaṁ byathasi bhītā, kamatthaṁ koṭasimbali”.
byathasi → vyādhase (bj); vyadhase (pts-vp-pli1); byādhasi (mr) | bhītā → bhīto (bj, sya1ed, sya2ed, pts-vp-pli1) koṭasimbali → koṭisimbali (bj, pts-vp-pli1)

“Maṁsabhakkho tuvaṁ rāja, phalabhakkho ayaṁ dijo; Ayaṁ nigrodhabījāni, pilakkhudumbarāni ca; Assatthāni ca bhakkhitvā, khandhe me ohadissati.

Te rukkhā saṁvirūhanti, mama passe nivātajā; Te maṁ pariyonandhissanti, arukkhaṁ maṁ karissare.

Santi aññepi rukkhā se, mūlino khandhino dumā; Iminā sakuṇajātena, bījamāharitā hatā.

Ajjhārūhābhivaḍḍhanti, brahantampi vanappatiṁ;
Ajjhārūhābhivaḍḍhanti → ajjhārūḷhābhivaḍḍhanti (bj, pts-vp-pli1); ajjhārūhā hi vaḍḍhanti (sya1ed, sya2ed) Tasmā rāja pavedhāmi, sampassaṁnāgataṁ bhayaṁ”.

“Saṅkeyya saṅkitabbāni, rakkheyyānāgataṁ bhayaṁ; Anāgatabhayā dhīro, ubho loke avekkhatī”ti.

Koṭasimbalijātakaṁ sattamaṁ.