“Na kiratthi anomadassisu, pāricariyā buddhesu appikā;
appikā → appakā (sya1ed, sya2ed, mr) Sukkhāya aloṇikāya ca, passaphalaṁ kummāsapiṇḍiyā.

Hatthigavassā cime bahū, dhanadhaññaṁ pathavī ca kevalā;
Hatthigavassā cime bahū → hatthigavāssā ca me bahū (bj); hatthī gavāssā cime bahū (sya1ed, sya2ed); hatthī gavāssā ca me bahū (pts-vp-pli1) Nāriyo cimā accharūpamā, passa phalaṁ kummāsapiṇḍiyā”.

“Abhikkhaṇaṁ rājakuñjara, gāthā bhāsasi kosalādhipa; Pucchāmi taṁ raṭṭhavaḍḍhana, bāḷhaṁ pītimano pabhāsasi”.

“Imasmiññeva nagare, kule aññatare ahuṁ; Parakammakaro āsiṁ, bhatako sīlasaṁvuto.

Kammāya nikkhamantohaṁ, caturo samaṇeddasaṁ; Ācārasīlasampanne, sītibhūte anāsave.

Tesu cittaṁ pasādetvā, nisīdetvā paṇṇasanthate;
nisīdetvā → nisīditvā (pts-vp-pli1); nisādetvā (?) Adaṁ buddhāna kummāsaṁ, pasanno sehi pāṇibhi.

Tassa kammassa kusalassa, idaṁ me edisaṁ phalaṁ; Anubhomi idaṁ rajjaṁ, phītaṁ dharaṇimuttamaṁ”.

“Dadaṁ bhuñja mā ca pamādo, cakkaṁ vattaya kosalādhipa;
Dadaṁ bhuñja mā ca pamādo → dada bhuñja ca mā ca pamādo (bj, pts-vp-pli1); dadaṁ bhuñja ca mā ca pamādo (sya1ed, sya2ed) Mā rāja adhammiko ahu, dhammaṁ pālaya kosalādhipa”.

“Sohaṁ tadeva punappunaṁ, vaṭumaṁ ācarissāmi sobhane; Ariyācaritaṁ sukosale, arahanto me manāpāva passituṁ.

Devī viya accharūpamā, majjhe nārigaṇassa sobhasi; Kiṁ kammamakāsi bhaddakaṁ, kenāsi vaṇṇavatī sukosale”.

“Ambaṭṭhakulassa khattiya, dāsyāhaṁ parapesiyā ahuṁ; Saññatā ca dhammajīvinī, sīlavatī ca apāpadassanā.
Saññatā ca → saññatā (bj, pts-vp-pli1)

Uddhaṭabhattaṁ ahaṁ tadā, caramānassa adāsi bhikkhuno; Vittā sumanā sayaṁ ahaṁ, tassa kammassa phalaṁ mamedisan”ti.

Kummāsapiṇḍijātakaṁ dasamaṁ.
Kummāsapiṇḍijātakaṁ → kummāsapiṇḍajātakaṁ (bj, sya1ed, sya2ed, pts-vp-pli1)