“Idaṁ pure ninnamāhu, bahumacchaṁ mahodakaṁ; Āvāso bakarājassa, pettikaṁ bhavanaṁ mama; Tyajja bhekena yāpema, okaṁ na vijahāmase”.
bhekena → bhiṅgena (sya2ed, mr) okaṁ na vijahāmase → okaṁ na vijjahāmase (sya1ed, sya2ed); okantaṁ na jahāmase (mr)

“Ko dutiyaṁ asīlissa, bandharassakkhi bhecchati;
bhecchati → bhejjati (bj, sya1ed, sya2ed, pts-vp-pli1); bhindati (mr) Ko me putte kulāvakaṁ, mañca sotthiṁ karissati”.

“Sabbā parikkhayā pheggu, yāva tassā gatī ahu; Khīṇabhakkho mahārāja, sāre na ramatī ghuṇo”.

“Sā nūnāhaṁ ito gantvā, rañño muttā nivesanā; Attānaṁ ramayissāmi, dumasākhaniketinī”.

“So nūnāhaṁ ito gantvā, rañño mutto nivesanā; Aggodakāni pissāmi, yūthassa purato vajaṁ”.

“Taṁ maṁ kāmehi sammattaṁ, rattaṁ kāmesu mucchitaṁ; Ānayī bharato luddo, bāhiko bhaddamatthu te”.
bharato → vanato (mr)

“Andhakāratimisāyaṁ, tuṅge uparipabbate; Sā maṁ saṇhena mudunā, mā pādaṁ khali yasmani”.
khali → khaṇi (bj, sya1ed, sya2ed, pts-vp-pli1)

“Asaṁsayaṁ jātikhayantadassī, na gabbhaseyyaṁ punarāvajissaṁ; Ayamantimā pacchimā gabbhaseyyā, khīṇo me saṁsāro punabbhavāyā”ti.
Ayamantimā pacchimā gabbhaseyyā → ayaṁ hi me antimā gabbhaseyyā (bj, pts-vp-pli1); ayamantimā pacchimagabbhaseyyā (sya1ed, sya2ed)

Aṭṭhasaddajātakaṁ dutiyaṁ.