“Idaṁ suvaṇṇakāyūraṁ, muttā veḷuriyā bahū; Sabbaṁ harassu bhaddante, mañca dāsīti sāvaya”.

“Oropayassu kalyāṇi, mā bāḷhaṁ paridevasi;
bāḷhaṁ → bahuṁ (bj, sya1ed, sya2ed, pts-vp-pli1) Na cāhaṁ abhijānāmi, ahantvā dhanamābhataṁ”.

“Yato sarāmi attānaṁ, yato pattāsmi viññutaṁ; Na cāhaṁ abhijānāmi, aññaṁ piyataraṁ tayā.

Ehi taṁ upagūhissaṁ, karissañca padakkhiṇaṁ;
upagūhissaṁ → upaguyhissaṁ (mr) Na hi dāni puna atthi, mama tuyhañca saṅgamo”.

“Na hi sabbesu ṭhānesu, puriso hoti paṇḍito; Itthīpi paṇḍitā hoti, tattha tattha vicakkhaṇā.

Na hi sabbesu ṭhānesu, puriso hoti paṇḍito; Itthīpi paṇḍitā hoti, lahuṁ atthaṁ vicintikā.
lahuṁ atthaṁ vicintikā → lahumatthavicintikā (bj, pts-vp-pli1); lahumatthaṁ vicintikā (sya1ed, sya2ed)

Lahuñca vata khippañca, nikaṭṭhe samacetayi; Migaṁ puṇṇāyateneva, sulasā sattukaṁ vadhi.
puṇṇāyateneva → puṇṇāya tenevaṁ (bj); puṇṇāyataneva (sya1ed, sya2ed)

Yodha uppatitaṁ atthaṁ, na khippamanubujjhati;
Yodha → yo ca (ja448:9 [Kukkuṭajātaka] kukkuṭajātake) So haññati mandamati, corova girigabbhare.

Yo ca uppatitaṁ atthaṁ, khippameva nibodhati; Muccate sattusambādhā, sulasā sattukāmivā”ti.

Sulasājātakaṁ tatiyaṁ.