“Bhusamhi kuddhoti avekkhiyāna, na tāva daṇḍaṁ paṇayeyya issaro;
Bhusamhi → bhusa hi (bj); bhusampi (mr) Aṭṭhānaso appatirūpamattano, parassa dukkhāni bhusaṁ udīraye.

Yato ca jāneyya pasādamattano, atthaṁ niyuñjeyya parassa dukkaṭaṁ; Tadāyamatthoti sayaṁ avekkhiya, athassa daṇḍaṁ sadisaṁ nivesaye.

Na cāpi jhāpeti paraṁ na attanaṁ, amucchito yo nayate nayānayaṁ; Yo daṇḍadhāro bhavatīdha issaro, sa vaṇṇagutto siriyā na dhaṁsati.

Ye khattiyā se anisammakārino, paṇenti daṇḍaṁ sahasā pamucchitā; Avaṇṇasaṁyutā jahanti jīvitaṁ, ito vimuttāpi ca yanti duggatiṁ.
Avaṇṇasaṁyutā → … saṁyuttā (bj, sya1ed, sya2ed, pts-vp-pli1); … yuttāva (mr)

Dhamme ca ye ariyappavedite ratā, anuttarā te vacasā manasā kammunā ca; Te santisoraccasamādhisaṇṭhitā, vajanti lokaṁ dubhayaṁ tathāvidhā.

Rājāhamasmi narapamadānamissaro, sacepi kujjhāmi ṭhapemi attanaṁ; Nisedhayanto janataṁ tathāvidhaṁ, paṇemi daṇḍaṁ anukampa yoniso”.

“Sirī ca lakkhī ca taveva khattiya, janādhipa mā vijahi kudācanaṁ; Akkodhano niccapasannacitto, anīgho tuvaṁ vassasatāni pālaya.

Guṇehi etehi upeta khattiya, ṭhitamariyavattī suvaco akodhano;
ṭhitamariyavattī → … vatti (bj); … vutti (sya1ed, sya2ed, mr) Sukhī anuppīḷa pasāsamediniṁ, ito vimuttopi ca yāhi suggatiṁ.
anuppīḷa pasāsamediniṁ → anuppīḷa pasāsa medaniṁ (sya1ed, sya2ed); anuppīḷaṁ sahasamedaniṁ (mr)

Evaṁ sunītena subhāsitena, dhammena ñāyena upāyaso nayaṁ;
sunītena → suvinītena (pts-vp-pli1) Nibbāpaye saṅkhubhitaṁ mahājanaṁ, mahāva megho salilena medinin”ti.
megho salilena medinin”ti → medaninti (sya1ed, sya2ed, mr)

Sumaṅgalajātakaṁ catutthaṁ.