5. Gaṅgamālajātaka
“Aṅgārajātā pathavī, kukkuḷānugatā mahī; Atha gāyasi vattāni, na taṁ tapati ātapo.
vattāni → vatthāni (mr)Uddhaṁ tapati ādicco, adho tapati vālukā; Atha gāyasi vattāni, na taṁ tapati ātapo”.
vattāni → vatthāni (mr)“Na maṁ tapati ātapo, ātapā tapayanti maṁ;
ātapā → ātappā (bj, sya1ed, sya2ed, pts-vp-pli1) Atthā hi vividhā rāja, te tapanti na ātapo”.“Addasaṁ kāma te mūlaṁ, saṅkappā kāma jāyasi; Na taṁ saṅkappayissāmi, evaṁ kāma na hehisi”.
“Appāpi kāmā na alaṁ, bahūhipi na tappati; Ahahā bālalapanā, parivajjetha jaggato”.
parivajjetha → paṭivijjhetha (bj, pts-vp-pli1)“Appassa kammassa phalaṁ mamedaṁ, udayo ajjhāgamā mahattapattaṁ; Suladdhalābho vata māṇavassa, yo pabbajī kāmarāgaṁ pahāya”.
yo → so (sya1ed, sya2ed, mr)“Tapasā pajahanti pāpakammaṁ, tapasā nhāpitakumbhakārabhāvaṁ; Tapasā abhibhuyya gaṅgamāla, nāmenālapasajja brahmadattaṁ”.
“Sandiṭṭhikameva ‘amma’ passatha, khantīsoraccassa ayaṁ vipāko;
ayaṁ → yo (sya1ed, sya2ed, pts-vp-pli1, mr) Yo sabbajanassa vanditohu, taṁ vandāma sarājikā samaccā”.“Mā kiñci avacuttha gaṅgamālaṁ, muninaṁ monapathesu sikkhamānaṁ; Eso hi atari aṇṇavaṁ, yaṁ taritvā caranti vītasokā”ti.
