“Gaṅgā kumudinī santā, saṅkhavaṇṇā ca kokilā; Jambu tālaphalaṁ dajjā, atha nūna tadā siyā.

Yadā kacchapalomānaṁ, pāvāro tividho siyā; Hemantikaṁ pāvuraṇaṁ, atha nūna tadā siyā.
pāvuraṇaṁ → pāpuraṇaṁ (bj, sya1ed, sya2ed, pts-vp-pli1)

Yadā makasapādānaṁ, aṭṭālo sukato siyā;
makasapādānaṁ → … dāṭhānaṁ (bj, pts-vp-pli1) Daḷho ca avikampī ca, atha nūna tadā siyā.
avikampī ca → appakampi ca (bj); appakampī ca (pts-vp-pli1)

Yadā sasavisāṇānaṁ, nisseṇī sukatā siyā; Saggassārohaṇatthāya, atha nūna tadā siyā.

Yadā nisseṇimāruyha, candaṁ khādeyyu mūsikā; Rāhuñca paripāteyyuṁ, atha nūna tadā siyā.
paripāteyyuṁ → paribāheyyuṁ (sya1ed, sya2ed)

Yadā surāghaṭaṁ pitvā, makkhikā gaṇacāriṇī; Aṅgāre vāsaṁ kappeyyuṁ, atha nūna tadā siyā.

Yadā bimboṭṭhasampanno, gadrabho sumukho siyā; Kusalo naccagītassa, atha nūna tadā siyā.

Yadā kākā ulūkā ca, mantayeyyuṁ rahogatā; Aññamaññaṁ pihayeyyuṁ, atha nūna tadā siyā.

Yadā muḷāla pattānaṁ, chattaṁ thirataraṁ siyā;
muḷāla → pulasa (bj, pts-vp-pli1); mulāsa (sya1ed, sya2ed) Vassassa paṭighātāya, atha nūna tadā siyā.

Yadā kulako sakuṇo, pabbataṁ gandhamādanaṁ;
kulako → kuluṅko (bj, pts-vp-pli1); kuluko (sya1ed, sya2ed) Tuṇḍenādāya gaccheyya, atha nūna tadā siyā.

Yadā sāmuddikaṁ nāvaṁ, sayantaṁ savaṭākaraṁ;
savaṭākaraṁ → sapaṭākāraṁ (mr) Ceṭo ādāya gaccheyya, atha nūna tadā siyā”ti.

Aṭṭhānajātakaṁ navamaṁ.