“Khamanīyaṁ yāpanīyaṁ, kacci mātula te sukhaṁ; Sukhaṁ te ammā avaca, sukhakāmāva te mayaṁ”.
sukhakāmāva → sukhakāmā hi (bj, sya1ed, sya2ed, pts-vp-pli1)

“Naṅguṭṭhaṁ me avakkamma, heṭhayitvāna eḷike;
avakkamma → apakkamma (sya1ed, sya2ed, mr) heṭhayitvāna → pothayitvāna (mr) | eḷike → eḷaki (sya1ed, sya2ed); eḷiki (pts-vp-pli1) Sājja mātulavādena, muñcitabbā nu maññasi”.

“Puratthāmukho nisinnosi, ahaṁ te mukhamāgatā; Pacchato tuyhaṁ naṅguṭṭhaṁ, kathaṁ khvāhaṁ avakkamiṁ”.
avakkamiṁ → apakkamiṁ (mr)

“Yāvatā caturo dīpā, sasamuddā sapabbatā; Tāvatā mayhaṁ naṅguṭṭhaṁ, kathaṁ kho tvaṁ vivajjayi”.

“Pubbeva metamakkhiṁsu, mātā pitā ca bhātaro;
metamakkhiṁsu → metaṁ akkhaṁsu (bj, pts-vp-pli1); metaṁ akkhiṁsu (sya1ed, sya2ed) Dīghaṁ duṭṭhassa naṅguṭṭhaṁ, sāmhi vehāyasāgatā”.

“Tañca disvāna āyantiṁ, antalikkhasmi eḷike; Migasaṅgho palāyittha, bhakkho me nāsito tayā”.

“Iccevaṁ vilapantiyā, eḷakiyā ruhagghaso; Galakaṁ anvāvamaddi, natthi duṭṭhe subhāsitaṁ.

Neva duṭṭhe nayo atthi, na dhammo na subhāsitaṁ; Nikkamaṁ duṭṭhe yuñjetha, so ca sabbhiṁ na rañjatī”ti.

Dīpijātakaṁ dasamaṁ.

Aṭṭhakanipātaṁ niṭṭhitaṁ.

Tassuddānaṁ

Parisuddhā manāvilā vatthadharā, bakarājassa kāyuraṁ daṇḍavaro; Atha aṅgāra cetiya devilinā, atha āditta gaṅgā daseḷakināti.