“Parisaṅkupatho nāma, gijjhapantho sanantano; Tatrāsi mātāpitaro, gijjho posesi jiṇṇake; Tesaṁ ajagaramedaṁ, accahāsi bahuttaso.
bahuttaso → bahūtaso (bj, pts-vp-pli1); pahuttato (si); bahutaso (sya1ed, sya2ed); bahudhaso (mr)

Pitā ca puttaṁ avaca, jānaṁ uccaṁ papātinaṁ; Supattaṁ thāmasampannaṁ, tejassiṁ dūragāminaṁ.
thāmasampannaṁ → pakkhasampannaṁ (bj, sya1ed, sya2ed, pts-vp-pli1)

Pariplavantaṁ pathaviṁ, yadā tāta vijānahi; Sāgarena parikkhittaṁ, cakkaṁva parimaṇḍalaṁ; Tato tāta nivattassu, māssu etto paraṁ gami.

Udapattosi vegena, balī pakkhī dijuttamo;
Udapattosi → uddhaṁ pattosi (bj) Olokayanto vakkaṅgo, pabbatāni vanāni ca.

Addassa pathaviṁ gijjho, yathāsāsi pitussutaṁ;
yathāsāsi → yathāssāsi (sya1ed, sya2ed aṭṭhakathāyaṁ pāṭhantaraṁ); yathāsāsī (pts-vp-pli1) Sāgarena parikkhittaṁ, cakkaṁva parimaṇḍalaṁ.

Tañca so samatikkamma, paramevaccavattatha;
paramevaccavattatha → parameva pavattatha (bj, sya1ed, sya2ed) Tañca vātasikhā tikkhā, accahāsi baliṁ dijaṁ.

Nāsakkhātigato poso, punadeva nivattituṁ; Dijo byasanamāpādi, verambhānaṁ vasaṁ gato.
verambhānaṁ → verambānaṁ (bj, pts-vp-pli1); verabbhānaṁ (sya1ed, sya2ed)

Tassa puttā ca dārā ca, ye caññe anujīvino; Sabbe byasanamāpāduṁ, anovādakare dije.

Evampi idha vuḍḍhānaṁ, yo vākyaṁ nāvabujjhati; Atisīmacaro ditto, gijjhovātītasāsano; Sa ve byasanaṁ pappoti, akatvā vuḍḍhasāsanan”ti.

Gijjhajātakaṁ paṭhamaṁ.