“Puthusaddo samajano, na bālo koci maññatha; Saṅghasmiṁ bhijjamānasmiṁ, nāññaṁ bhiyyo amaññaruṁ.

Parimuṭṭhā paṇḍitābhāsā, vācāgocarabhāṇino; Yāvicchanti mukhāyāmaṁ, yena nītā na taṁ vidū.

Akkocchi maṁ avadhi maṁ, ajini maṁ ahāsi me; Ye ca taṁ upanayhanti, veraṁ tesaṁ na sammati.
ca → (bj, pts)

Akkocchi maṁ avadhi maṁ, ajini maṁ ahāsi me; Ye ca taṁ nupanayhanti, veraṁ tesūpasammati.
ca → (bj, pts) | nupanayhanti → na upanayhanti (bj, pts); nūpanayhanti (sya-all) | upanayhanti → yeca taṁ nūpanayhanti (bj: machasaṁ, syā)

Na hi verena verāni, sammantīdha kudācanaṁ;
sammantīdha → sammant idha (pts) Averena ca sammanti, esa dhammo sanantano.

Pare ca na vijānanti, mayamettha yamāmase; Ye ca tattha vijānanti, tato sammanti medhagā.
tato → tato tato (bj)

Aṭṭhicchinnā pāṇaharā, gavāssa dhanahārino;
pāṇaharā → pāṇahārā (bj) | aṭṭhicchinnā → aṭṭhicchiddā (pts) gavāssa → gavassa (mr) | gavāssa → gavassa (cck) | gavassa → gavāssa (cck: sī. syā. pī.) Raṭṭhaṁ vilumpamānānaṁ, tesampi hoti saṅgati; Kasmā tumhāka no siyā.

Sace labhetha nipakaṁ sahāyaṁ, saddhiṁ caraṁ sādhuvihāridhīraṁ;
labhetha → labetha (pts) Abhibhuyya sabbāni parissayāni, careyya tenattamano satīmā.
satīmā → satimā (sya-all)

No ce labhetha nipakaṁ sahāyaṁ, saddhiṁ caraṁ sādhuvihāridhīraṁ; Rājāva raṭṭhaṁ vijitaṁ pahāya, eko care mātaṅgaraññeva nāgo.

Ekassa caritaṁ seyyo, natthi bāle sahāyatā; Eko care na pāpāni kayirā, appossukko mātaṅgaraññeva nāgo”ti.
na → nava (bj); na ca (sya-all, pts)

Kosambiyajātakaṁ dutiyaṁ.
Kosambiyajātakaṁ → kosambajātakaṁ (bj); kosambījātakaṁ (pts-vp-pli1)