“Dumo yadā hoti phalūpapanno, bhuñjanti naṁ vihaṅgamā sampatantā;
vihaṅgamā → vihagā (bj, pts-vp-pli1) Khīṇanti ñatvāna dumaṁ phalaccaye, disodisaṁ yanti tato vihaṅgamā.
ñatvāna dumaṁ phalaccaye → ñatvā dumapphalaccayena (mr)

Cara cārikaṁ lohitatuṇḍa māmari, kiṁ tvaṁ suva sukkhadumamhi jhāyasi; Tadiṅgha maṁ brūhi vasantasannibha, kasmā suva sukkhadumaṁ na riñcasi”.

“Ye ve sakhīnaṁ sakhāro bhavanti, pāṇaccaye dukkhasukhesu haṁsa;
pāṇaccaye → pāṇāccaye (sya1ed, sya2ed); pāṇaṁ caje (mr) Khīṇaṁ akhīṇampi na taṁ jahanti, santo sataṁ dhammamanussarantā.

Sohaṁ sataṁ aññatarosmi haṁsa, ñātī ca me hoti sakhā ca rukkho; Taṁ nussahe jīvikattho pahātuṁ, khīṇanti ñatvāna na hesa dhammo”.
na hesa → na esa (sya1ed, sya2ed); na sosa (mr)

“Sādhu sakkhi kataṁ hoti, metti saṁsati santhavo;
saṁsati santhavo → mittaṁ saṅgati sandhavo (mr) Sacetaṁ dhammaṁ rocesi, pāsaṁsosi vijānataṁ.

So te suva varaṁ dammi, pattayāna vihaṅgama; Varaṁ varassu vakkaṅga, yaṁ kiñci manasicchasi”.

“Varañca me haṁsa bhavaṁ dadeyya, ayañca rukkho punarāyuṁ labhetha; So sākhavā phalimā saṁvirūḷho, madhutthiko tiṭṭhatu sobhamāno”.

“Taṁ passa samma phalimaṁ uḷāraṁ, sahāva te hotu udumbarena; So sākhavā phalimā saṁvirūḷho, madhutthiko tiṭṭhatu sobhamāno”.

“Evaṁ sakka sukhī hohi, saha sabbehi ñātibhi; Yathāhamajja sukhito, disvāna saphalaṁ dumaṁ”.

“Suvassa ca varaṁ datvā, katvāna saphalaṁ dumaṁ; Pakkāmi saha bhariyāya, devānaṁ nandanaṁ vanan”ti.

Mahāsuvajātakaṁ tatiyaṁ.
Mahāsuvajātakaṁ → mahāsukajātakaṁ (bj, pts-vp-pli1); mahāsuvarājajātakaṁ (sya1ed, sya2ed)