“Santi rukkhā haripattā, dumā nekaphalā bahū;
haripattā → haritapattā (bj, sya1ed, sya2ed, pts-vp-pli1) Kasmā nu sukkhe koḷāpe, suvassa nirato mano”.
sukkhe → sukkha (mr)

“Phalassa upabhuñjimhā, nekavassagaṇe bahū; Aphalampi viditvāna, sāva metti yathā pure”.

“Sukkhañca rukkhaṁ koḷāpaṁ, opattamaphalaṁ dumaṁ; Ohāya sakuṇā yanti, kiṁ dosaṁ passase dija”.

“Ye phalatthā sambhajanti, aphaloti jahanti naṁ; Attatthapaññā dummedhā, te honti pakkhapātino”.

“Sādhu sakkhi kataṁ hoti, metti saṁsati santhavo; Sacetaṁ dhammaṁ rocesi, pāsaṁsosi vijānataṁ.

So te suva varaṁ dammi, pattayāna vihaṅgama; Varaṁ varassu vakkaṅga, yaṁ kiñci manasicchasi”.

“Api nāma naṁ passeyyaṁ, sapattaṁ saphalaṁ dumaṁ;
Api nāma naṁ passeyyaṁ → api nāma naṁ puna passe (bj, sya1ed, sya2ed); api nāma naṁ passemu (pts-vp-pli1) Daliddova nidhiṁ laddhā, nandeyyāhaṁ punappunaṁ”.

“Tato amatamādāya, abhisiñci mahīruhaṁ; Tassa sākhā virūhiṁsu, sītacchāyā manoramā”.
virūhiṁsu → virūḷhassa (mr)

“Evaṁ sakka sukhī hohi, saha sabbehi ñātibhi; Yathāhamajja sukhito, disvāna saphalaṁ dumaṁ.

Suvassa ca varaṁ datvā, katvāna saphalaṁ dumaṁ; Pakkāmi saha bhariyāya, devānaṁ nandanaṁ vanan”ti.

Cūḷasuvajātakaṁ catutthaṁ.
Cūḷasuvajātakaṁ → cullasukajātaka (bj, pts-vp-pli1); cullasuvakarājajātakaṁ (sya1ed, sya2ed)