“Bahussutaṁ cittakathiṁ, gaṅgā vahati pāṭaliṁ;
cittakathiṁ → cittakathaṁ (sya1ed, sya2ed, mr) pāṭaliṁ → pāṭalaṁ (bj, pts-vp-pli1) Vuyhamānaka bhaddante, ekaṁ me dehi gāthakaṁ”.
dehi → gāhi (pts-vp-pli1) | gāthakaṁ → gītakaṁ (Ma-aka)

“Yena siñcanti dukkhitaṁ, yena siñcanti āturaṁ; Tassa majjhe marissāmi, jātaṁ saraṇato bhayaṁ”.

“Yattha bījāni rūhanti, sattā yattha patiṭṭhitā; Sā me sīsaṁ nipīḷeti, jātaṁ saraṇato bhayaṁ”.

“Yena bhattāni paccanti, sītaṁ yena vihaññati; So maṁ ḍahati gattāni, jātaṁ saraṇato bhayaṁ”.
ḍahati → dayhati (mr) | maṁ → so me (bj, pts-vp-pli1)

“Yena bhuttena yāpenti, puthū brāhmaṇakhattiyā;
bhuttena → bhattena (sya1ed, sya2ed, mr) So maṁ bhutto byāpādeti, jātaṁ saraṇato bhayaṁ”.

“Gimhānaṁ pacchime māse, vātamicchanti paṇḍitā; So maṁ bhañjati gattāni, jātaṁ saraṇato bhayaṁ”.

“Yaṁ nissitā jagatiruhaṁ, svāyaṁ aggiṁ pamuñcati; Disā bhajatha vakkaṅgā, jātaṁ saraṇato bhayaṁ”.

“Yamānayiṁ somanassaṁ, māliniṁ candanussadaṁ; Sā maṁ gharā nicchubhati, jātaṁ saraṇato bhayaṁ”.
nicchubhati → nīharati (bj, sya1ed, sya2ed)

“Yena jātena nandissaṁ, yassa ca bhavamicchisaṁ; So maṁ gharā nicchubhati, jātaṁ saraṇato bhayaṁ”.
nicchubhati → nīharati (sya1ed, sya2ed)

“Suṇantu me jānapadā, negamā ca samāgatā; Yatodakaṁ tadādittaṁ, yato khemaṁ tato bhayaṁ.

Rājā vilumpate raṭṭhaṁ, brāhmaṇo ca purohito; Attaguttā viharatha, jātaṁ saraṇato bhayan”ti.

Padakusalamāṇavajātakaṁ chaṭṭhaṁ.
Padakusalamāṇavajātakaṁ → padamāṇavakajātakaṁ (bj)