“Kuto nu āgacchatha bho tayo janā, svāgatā etha nisīdathāsane;
svāgatā etha → svāgataṁ ettha (bj, pts-vp-pli1) Kaccittha bhonto kusalaṁ anāmayaṁ, cirassamabbhāgamanaṁ hi vo idha”.

“Ahameva eko idha majja patto, na cāpi me dutiyo koci vijjati; Kimeva sandhāya te bhāsitaṁ ise, ‘Kuto nu āgacchatha bho tayo janā’”.

“Tuvañca eko bhariyā ca te piyā, samuggapakkhittanikiṇṇamantare; Sā rakkhitā kucchigatāva te sadā, vāyussa puttena sahā tahiṁ ratā”.
kucchigatāva → kucchigatā ca (mr) vāyussa → harissa (mr)

“Saṁviggarūpo isinā viyākato, so dānavo tattha samuggamuggili;
viyākato → byākato (sya1ed, sya2ed); vyākato (pts-vp-pli1); pabyākato (mr) Addakkhi bhariyaṁ suci māladhāriniṁ, vāyussa puttena sahā tahiṁ rataṁ”.

“Sudiṭṭharūpamuggatapānuvattinā, hīnā narā ye pamadāvasaṁ gatā;
Sudiṭṭharūpamuggatapānuvattinā → sudiṭṭharūpuggatapānuvattinā (bj, sya1ed, sya2ed); suddiṭṭharūpuggatapānuvattinā (pts-vp-pli1) Yathā have pāṇarivettha rakkhitā, duṭṭhā mayī aññamabhippamodayi.

Divā ca ratto ca mayā upaṭṭhitā, tapassinā jotirivā vane vasaṁ; Sā dhammamukkamma adhammamācari, akiriyarūpo pamadāhi santhavo.

Sarīramajjhamhi ṭhitātimaññahaṁ, mayhaṁ ayanti asatiṁ asaññataṁ; Sā dhammamukkamma adhammamācari, akiriyarūpo pamadāhi santhavo.

Surakkhitaṁ meti kathaṁ nu vissase, anekacittāsu na hatthi rakkhaṇā;
anekacittāsu na hatthi → anekacittāsu na hettha (bj, sya1ed, sya2ed); anekacittā puna hettha (mr) Etā hi pātālapapātasannibhā, etthappamatto byasanaṁ nigaccha”ti.

“Tasmā hi te sukhino vītasokā, ye mātugāmehi caranti nissaṭā; Etaṁ sivaṁ uttamamābhipatthayaṁ, na mātugāmehi kareyya santhavanti”.

Samuggajātakaṁ dasamaṁ.