“Na kho me ruccati āḷi, pūtimaṁsassa pekkhanā; Etādisā sakhārasmā, ārakā parivajjaye”.

“Ummattikā ayaṁ veṇī, vaṇṇeti patino sakhiṁ; Pajjhāyi paṭigacchantiṁ, āgataṁ meṇḍamātaraṁ”.
Pajjhāyi → pajjhāti (bj, pts-vp-pli1); pajjhāyati (bj -nissya) meṇḍamātaraṁ → meḷamātaraṁ (bj, pts-vp-pli1) | taṁ → te (si, sya1ed, sya2ed, pts-vp-pli1)

“Tvaṁ khosi samma ummatto, dummedho avicakkhaṇo; Yo tvaṁ matālayaṁ katvā, akālena vipekkhasi”.
tvaṁ → so tvaṁ (sya1ed, sya2ed)

“Na akāle vipekkheyya, kāle pekkheyya paṇḍito; Pūtimaṁsova pajjhāyi, yo akāle vipekkhati”.
pajjhāyi → pajjhāti (bj, pts-vp-pli1); pajjhāyati (bj -nissya)

“Piyaṁ kho āḷi me hotu, puṇṇapattaṁ dadāhi me; Pati sañjīvito mayhaṁ, eyyāsi piyapucchikā”.
piyapucchikā → pucchitā (sya1ed, sya2ed, mr)

“Piyaṁ kho āḷi te hotu, puṇṇapattaṁ dadāmi te; Mahatā parivārena, essaṁ kayirāhi bhojanaṁ”.
parivārena → parihārena (sya1ed) essaṁ → esaṁ (si, pts-vp-pli1) | kayirāhi → kayirāsi (pts-vp-pli1)

“Kīdiso tuyhaṁ parivāro, yesaṁ kāhāmi bhojanaṁ; Kiṁnāmakā ca te sabbe, taṁ me akkhāhi pucchitā”.

“Māliyo caturakkho ca, piṅgiyo atha jambuko; Ediso mayhaṁ parivāro, tesaṁ kayirāhi bhojanaṁ”.
kayirāhi → kayirāsi (pts-vp-pli1)

“Nikkhantāya agārasmā, bhaṇḍakampi vinassati; Ārogyaṁ āḷino vajjaṁ, idheva vasa māgamā”ti.
vajjaṁ → vacchaṁ (?)

Pūtimaṁsajātakaṁ ekādasamaṁ.