“Yo te puttake akhādi, dinnabhatto adūsake; Tasmiṁ dāṭhaṁ nipātehi, mā te muccittha jīvato”.

“Ākiṇṇaluddo puriso, dhāticelaṁva makkhito; Padesaṁ taṁ na passāmi, yattha dāṭhaṁ nipātaye.

Akataññussa posassa, niccaṁ vivaradassino; Sabbañce pathaviṁ dajjā, neva naṁ abhirādhaye”.

“Kiṁ nu subāhu taramānarūpo, paccāgatosi saha māṇavena; Kiṁ kiccamatthaṁ idhamatthi tuyhaṁ, akkhāhi me pucchito etamatthaṁ”.

“Yo te sakhā daddaro sādhurūpo, tassa vadhaṁ parisaṅkāmi ajja; Purisassa kammāyatanāni sutvā, nāhaṁ sukhiṁ daddaraṁ ajja maññe”.

“Kānissa kammāyatanāni assu, purisassa vuttisamodhānatāya; Kaṁ vā paṭiññaṁ purisassa sutvā, parisaṅkasi daddaraṁ māṇavena”.

“Ciṇṇā kaliṅgā caritā vaṇijjā, vettācaro saṅkupathopi ciṇṇo; Naṭehi ciṇṇaṁ saha vākurehi, daṇḍena yuddhampi samajjamajjhe.
vākurehi → vākarehi (pts-vp-pli1, bj -nissya); vāgurehi (?)

Baddhā kulīkā mitamāḷhakena, akkhā jitā saṁyamo abbhatīto;
kulīkā → kulikā (bj, sya1ed, sya2ed); kuliṅkā (pts-vp-pli1) akkhā jitā → akkhācitā (si) Abbāhitaṁ pubbakaṁ aḍḍharattaṁ, hatthā daḍḍhā piṇḍapaṭiggahena.
Abbāhitaṁ → appahitaṁ (bj, sya1ed, sya2ed); abbūhitaṁ (pts-vp-pli1, bj -nissya) | pubbakaṁ → pupphakaṁ (bj, sya1ed, sya2ed, pts-vp-pli1)

Tānissa kammāyatanāni assu, purisassa vuttisamodhānatāya; Yathā ayaṁ dissati lomapiṇḍo, gāvo hatā kiṁ pana daddarassā”ti.

Daddarajātakaṁ dvādasamaṁ.
Daddarajātakaṁ → tittirajātakaṁ (bj, pts-vp-pli1)

Navakanipātaṁ niṭṭhitaṁ.

Tassuddānaṁ

Varagijjha samajjana haṁsavaro, nidhisavhaya hārita pāṭaliko; Ajarāmara dhaṅka titikkha kuto, atha dvādasa pekkhana daddaribhīti.