“Catudvāramidaṁ nagaraṁ, āyasaṁ daḷhapākāraṁ; Oruddhapaṭiruddhosmi, kiṁ pāpaṁ pakataṁ mayā”.

“Sabbe apihitā dvārā, oruddhosmi yathā dijo; Kimādhikaraṇaṁ yakkha, cakkābhinihato ahaṁ.

Laddhā satasahassāni, atirekāni vīsati; Anukampakānaṁ ñātīnaṁ, vacanaṁ samma nākari.

Laṅghiṁ samuddaṁ pakkhandi, sāgaraṁ appasiddhikaṁ; Catubbhi aṭṭhajjhagamā, aṭṭhāhipi ca soḷasa.

Soḷasāhi ca bāttiṁsa, atricchaṁ cakkamāsado; Icchāhatassa posassa, cakkaṁ bhamati matthake.

Uparivisālā duppūrā, icchā visaṭagāminī;
visaṭagāminī → visatagāminaṁ (sya1ed, sya2ed); visaṭagāminiṁ (pts-vp-pli1, mr) Ye ca taṁ anugijjhanti, te honti cakkadhārino.

Bahubhaṇḍaṁ avahāya, maggaṁ appaṭivekkhiya;
Bahubhaṇḍaṁ → bahuṁ bhaṇḍaṁ (bj, pts-vp-pli1) Yesañcetaṁ asaṅkhātaṁ, te honti cakkadhārino.

Kammaṁ samekkhe vipulañca bhogaṁ, icchaṁ na seveyya anatthasaṁhitaṁ; Kareyya vākyaṁ anukampakānaṁ, taṁ tādisaṁ nātivatteyya cakkaṁ”.

“Kīvaciraṁ nu me yakkha, cakkaṁ sirasi ṭhassati;
sirasi → sira (bj); sirasmi (sya1ed, sya2ed) Kati vassasahassāni, taṁ me akkhāhi pucchito”.

“Atisaro paccasaro, mittavinda suṇohi me;
paccasaro → accasaro (bj, sya1ed, sya2ed, pts-vp-pli1) Cakkaṁ te sirasi māviddhaṁ, na taṁ jīvaṁ pamokkhasī”ti.

Catudvārajātakaṁ paṭhamaṁ.