“Bahussuto sutadhammosi saṅkha, diṭṭhā tayā samaṇabrāhmaṇā ca; Athakkhaṇe dassayase vilāpaṁ, añño nu ko te paṭimantako mayā”.

“Subbhū subhā suppaṭimukkakambu, paggayha sovaṇṇamayāya pātiyā;
Subbhū → subbhā (sya1ed, sya2ed); subbhu (pts-vp-pli1); subhmā (mr) ‘Bhuñjassu bhattaṁ’ iti maṁ vadeti, saddhāvittā
saddhāvittā → saddhācittā (bj, pts-vp-pli1, mr) Tamahaṁ noti brūmi”.

“Etādisaṁ brāhmaṇa disvāna yakkhaṁ, puccheyya poso sukhamāsisāno;
disvāna → disva (bj, pts-vp-pli1) sukhamāsisāno → sukhamāsasāno (bj, sya1ed, sya2ed, pts-vp-pli1); sukhamāsisamāno (mr) Uṭṭhehi naṁ pañjalikābhipuccha, devī nusi tvaṁ uda mānusī nu”.

“Yaṁ tvaṁ sukhenābhisamekkhase maṁ, bhuñjassu bhattaṁ iti maṁ vadesi; Pucchāmi taṁ nāri mahānubhāve, devī nusi tvaṁ uda mānusī nu”.

“Devī ahaṁ saṅkha mahānubhāvā, idhāgatā sāgaravārimajjhe; Anukampikā no ca paduṭṭhacittā, taveva atthāya idhāgatāsmi.

Idhannapānaṁ sayanāsanañca, yānāni nānāvividhāni saṅkha; Sabbassa tyāhaṁ paṭipādayāmi, yaṁ kiñci tuyhaṁ manasābhipatthitaṁ”.

“Yaṁ kiñci yiṭṭhañca hutañca mayhaṁ, sabbassa no issarā tvaṁ sugatte;
yiṭṭhañca hutañca → yiṭṭhaṁva hutaṁva (bj, pts-vp-pli1) Susoṇi subbhamu suvilaggamajjhe, kissa me kammassa ayaṁ vipāko”.
subbhamu → subbhu (bj); subbhā (sya1ed, sya2ed); subbhuru (pts-vp-pli1) | suvilaggamajjhe → suvilākamajjhe (bj, sya1ed, sya2ed); vilākamajjhe (pts-vp-pli1); suvilātamajjhe (mr)

“Ghamme pathe brāhmaṇa ekabhikkhuṁ, ugghaṭṭapādaṁ tasitaṁ kilantaṁ; Paṭipādayī saṅkha upāhanāni, sā dakkhiṇā kāmaduhā tavajja”.
upāhanāni → upāhanāhi (bj, pts-vp-pli1)

“Sā hotu nāvā phalakūpapannā, anavassutā erakavātayuttā; Aññassa yānassa na hettha bhūmi, ajjeva maṁ moḷiniṁ pāpayassu”.
na hettha → na hatthi (pts-vp-pli1)

“Sā tattha vittā sumanā patītā, nāvaṁ sucittaṁ abhinimminitvā; Ādāya saṅkhaṁ purisena saddhiṁ, upānayī nagaraṁ sādhuramman”ti.

Saṅkhajātakaṁ catutthaṁ.