“Yo te imaṁ visālakkhiṁ, piyaṁ sammhitabhāsiniṁ;
sammhitabhāsiniṁ → sammillabhāsiniṁ (bj, pts-vp-pli1); sammillahāsiniṁ (sya1ed, sya2ed) Ādāya balā gaccheyya, kiṁ nu kayirāsi brāhmaṇa”.

“Uppajje me na mucceyya, na me mucceyya jīvato;
Uppajje → uppajja (bj, pts-vp-pli1) Rajaṁva vipulā vuṭṭhi, khippameva nivāraye”.
nivāraye → nivārayiṁ (mr)

“Yannu pubbe vikatthittho, balamhiva apassito;
vikatthittho → vikatthito (sya1ed, sya2ed, mr) Svajja tuṇhikato dāni, saṅghāṭiṁ sibbamacchasi”.
Svajja → svājja (bj, sya1ed, sya2ed, pts-vp-pli1) | tuṇhikato → tuṇhīkako (bj); tuṇhikkhako (pts-vp-pli1)

“Uppajji me na muccittha, na me muccittha jīvato; Rajaṁva vipulā vuṭṭhi, khippameva nivārayiṁ”.

“Kiṁ te uppajji no mucci, kiṁ te na mucci jīvato; Rajaṁva vipulā vuṭṭhi, katamaṁ tvaṁ nivārayi”.

“Yamhi jāte na passati, ajāte sādhu passati; So me uppajji no mucci, kodho dummedhagocaro.

Yena jātena nandanti, amittā dukkhamesino; So me uppajji no mucci, kodho dummedhagocaro.

Yasmiñca jāyamānamhi, sadatthaṁ nāvabujjhati; So me uppajji no mucci, kodho dummedhagocaro.

Yenābhibhūto kusalaṁ jahāti, parakkare vipulañcāpi atthaṁ; Sa bhīmaseno balavā pamaddī, kodho mahārāja na me amuccatha.

Kaṭṭhasmiṁ matthamānasmiṁ, pāvako nāma jāyati;
matthamānasmiṁ → manthamānasmiṁ (pts-vp-pli1); maddamānasmiṁ (mr) Tameva kaṭṭhaṁ ḍahati, yasmā so jāyate gini.

Evaṁ mandassa posassa, bālassa avijānato; Sārambhā jāyate kodho, sopi teneva ḍayhati.
Sārambhā → sārabbhā (mr)

Aggīva tiṇakaṭṭhasmiṁ, kodho yassa pavaḍḍhati; Nihīyati tassa yaso, kāḷapakkheva candimā.

Anedho dhūmaketūva, kodho yassūpasammati;
Anedho → anindho (bj, mr); anindo (sya1ed, sya2ed) Āpūrati tassa yaso, sukkapakkheva candimā”ti.

Cūḷabodhijātakaṁ pañcamaṁ.
Cūḷabodhijātakaṁ → cullabodhijātakaṁ (bj, sya1ed, sya2ed, pts-vp-pli1)