“Na vāhametaṁ jānāmi, ko vāyaṁ kassa vāti vā;
Na vāhametaṁ → na cāhametaṁ (bj) kassa vāti vā → cāti vā (bj); cāri vā (sya1ed, sya2ed) Yathā sākho cari evaṁ, nigrodha kinti maññasi.
cari → vadī (bj, pts-vp-pli1); vadi (sya1ed, sya2ed)

Tato galavinītena, purisā nīhariṁsu maṁ; Datvā mukhapahārāni, sākhassa vacanaṅkarā.

Etādisaṁ dummatinā, akataññuna dubbhinā; Kataṁ anariyaṁ sākhena, sakhinā te janādhipa”.

“Na vāhametaṁ jānāmi, napi me koci saṁsati; Yaṁ me tvaṁ samma akkhāsi, sākhena kāraṇaṁ kataṁ.
kāraṇaṁ → kaḍḍhanaṁ (bj, sya1ed, sya2ed); katanaṁ (pts-vp-pli1)

Sakhīnaṁ sājīvakaro, mama sākhassa cūbhayaṁ; Tvaṁ nosissariyaṁ dātā, manussesu mahantataṁ; Tayāmā labbhitā iddhī, ettha me natthi saṁsayo.

Yathāpi bījamaggimhi, ḍayhati na virūhati; Evaṁ kataṁ asappurise, nassati na virūhati.

Kataññumhi ca posamhi, sīlavante ariyavuttine; Sukhette viya bījāni, kataṁ tamhi na nassati”.

“Imaṁ jammaṁ nekatikaṁ, asappurisacintakaṁ; Hanantu sākhaṁ sattīhi, nāssa icchāmi jīvitaṁ”.

“Khamatassa mahārāja, pāṇā na paṭiānayā;
na paṭiānayā → duppaṭiānayā (bj, sya1ed, sya2ed, pts-vp-pli1) Khama deva asappurisassa, nāssa icchāmahaṁ vadhaṁ”.

“Nigrodhameva seveyya, na sākhamupasaṁvase; Nigrodhasmiṁ mataṁ seyyo, yañce sākhasmi jīvitan”ti.

Nigrodhajātakaṁ sattamaṁ.