“Na takkalā santi na āluvāni, na biḷāliyo na kaḷambāni tāta;
takkalā → takkaḷā (pts-vp-pli1) | āluvāni → ālupāni (bj, sya1ed, sya2ed, pts-vp-pli1) Eko araññamhi susānamajjhe, kimatthiko tāta khaṇāsi kāsuṁ”.

“Pitāmaho tāta sudubbalo te, anekabyādhīhi dukhena phuṭṭho; Tamajjahaṁ nikhaṇissāmi sobbhe, na hissa taṁ jīvitaṁ rocayāmi”.

“Saṅkappametaṁ paṭiladdha pāpakaṁ, accāhitaṁ kamma karosi luddaṁ;
me → mama (?) Mayāpi tāta paṭilacchase tuvaṁ, etādisaṁ kamma jarūpanīto; Taṁ kullavattaṁ anuvattamāno, ahampi taṁ nikhaṇissāmi sobbhe”.

“Pharusāhi vācāhi pakubbamāno, āsajja maṁ tvaṁ vadase kumāra; Putto mamaṁ orasako samāno, ahitānukampī mama tvaṁsi putta”.

“Na tāhaṁ tāta ahitānukampī, hitānukampī te ahampi tāta;
tāhaṁ → tyāhaṁ (sya1ed, sya2ed) ahampi → ahañhi (sya1ed, sya2ed) Pāpañca taṁ kamma pakubbamānaṁ, arahāmi no vārayituṁ tato”.

“Yo mātaraṁ vā pitaraṁ saviṭṭha, adūsake hiṁsati pāpadhammo;
mātaraṁ vā pitaraṁ saviṭṭha → mātaraṁ pitaraṁ vā vasiṭṭha (bj, pts-vp-pli1) Kāyassa bhedā abhisamparāyaṁ, asaṁsayaṁ so nirayaṁ upeti.
upeti → pareti (bj, pts-vp-pli1)

Yo mātaraṁ vā pitaraṁ saviṭṭha, annena pānena upaṭṭhahāti; Kāyassa bhedā abhisamparāyaṁ, asaṁsayaṁ so sugatiṁ upeti.

Na me tvaṁ putta ahitānukampī, hitānukampī me tvaṁsi putta; Ahañca taṁ mātarā vuccamāno, etādisaṁ kamma karomi luddaṁ”.

“Yā te sā bhariyā anariyarūpā, mātā mamesā sakiyā janetti; Niddhāpaye tañca sakā agārā, aññampi te sā dukhamāvaheyya.
Niddhāpaye → niddhāmase (pts-vp-pli1)

Yā te sā bhariyā anariyarūpā, mātā mamesā sakiyā janetti; Dantā kareṇūva vasūpanītā, sā pāpadhammā punarāvajātū”ti.

Takkalajātakaṁ aṭṭhamaṁ.
Takkalajātakaṁ → takkaḷajātakaṁ (pts-vp-pli1)