9. Mahādhammapālajātaka
“Kiṁ te vataṁ kiṁ pana brahmacariyaṁ, kissa suciṇṇassa ayaṁ vipāko; Akkhāhi me brāhmaṇa etamatthaṁ, kasmā nu tumhaṁ daharā na miyyare”.
miyyare → mīyare (bj, pts-vp-pli1)“Dhammaṁ carāma na musā bhaṇāma, pāpāni kammāni parivajjayāma;
parivajjayāma → vivajjayāma (bj, sya1ed, sya2ed, pts-vp-pli1) Anariyaṁ parivajjemu sabbaṁ, tasmā hi amhaṁ daharā na miyyare.Suṇoma dhammaṁ asataṁ satañca, na cāpi dhammaṁ asataṁ rocayāma; Hitvā asante na jahāma sante, tasmā hi amhaṁ daharā na miyyare.
Pubbeva dānā sumanā bhavāma, dadampi ve attamanā bhavāma; Datvāpi ve nānutappāma pacchā, tasmā hi amhaṁ daharā na miyyare.
Samaṇe mayaṁ brāhmaṇe addhike ca, vanibbake yācanake dalidde; Annena pānena abhitappayāma, tasmā hi amhaṁ daharā na miyyare.
Mayañca bhariyaṁ nātikkamāma, amhe ca bhariyā nātikkamanti; Aññatra tāhi brahmacariyaṁ carāma, tasmā hi amhaṁ daharā na miyyare.
Pāṇātipātā viramāma sabbe, loke adinnaṁ parivajjayāma; Amajjapā nopi musā bhaṇāma, tasmā hi amhaṁ daharā na miyyare.
Etāsu ve jāyare suttamāsu, medhāvino honti pahūtapaññā; Bahussutā vedaguno ca honti, tasmā hi amhaṁ daharā na miyyare.
vedaguno → vedagunā (sya1ed, sya2ed); vedaguṇā (mr)Mātā pitā ca bhaginī bhātaro ca, puttā ca dārā ca mayañca sabbe;
pitā ca → mātāpitaro (sya1ed, sya2ed); mātā ca pitā (mr) Dhammaṁ carāma paralokahetu, tasmā hi amhaṁ daharā na miyyare.Dāsā ca dāsyo anujīvino ca, paricārakā kammakarā ca sabbe;
dāsyo → dasso (bj, pts-vp-pli1); dāsī (sya1ed, sya2ed) Dhammaṁ caranti paralokahetu, tasmā hi amhaṁ daharā na miyyare”.“Dhammo have rakkhati dhammacāriṁ, dhammo suciṇṇo sukhamāvahāti; Esānisaṁso dhamme suciṇṇe, na duggatiṁ gacchati dhammacārī.
Dhammo have rakkhati dhammacāriṁ, chattaṁ mahantaṁ viya vassakāle; Dhammena gutto mama dhammapālo, aññassa aṭṭhīni sukhī kumāro”ti.
