10. Kukkuṭajātaka
“Nāsmase katapāpamhi, nāsmase alikavādine; Nāsmase attatthapaññamhi, atisantepi nāsmase.
Bhavanti heke purisā, gopipāsikajātikā;
gopipāsikajātikā → gopipāsakajātikā (bj, pts-vp-pli1) Ghasanti maññe mittāni, vācāya na ca kammunā.
ca → yodha (ja419:8 [Sulasājātaka] sulasājātake)Sukkhañjalipaggahitā, vācāya paliguṇṭhitā; Manussapheggū nāsīde, yasmiṁ natthi kataññutā.
Na hi aññaññacittānaṁ, itthīnaṁ purisāna vā; Nānāvikatvā saṁsaggaṁ, tādisampi ca nāsmase.
Nānāvikatvā → nānāva katvā (bj, pts-vp-pli1) tādisampi ca nāsmase → tādisampi na vissase (sya1ed, sya2ed)Anariyakammamokkantaṁ, athetaṁ sabbaghātinaṁ;
athetaṁ → atthetaṁ (bj, sya1ed, sya2ed, pts-vp-pli1) Nisitaṁva paṭicchannaṁ, tādisampi ca nāsmase.Mittarūpenidhekacce, sākhalyena acetasā; Vividhehi upāyanti, tādisampi ca nāsmase.
Āmisaṁ vā dhanaṁ vāpi, yattha passati tādiso; Dubbhiṁ karoti dummedho, tañca hantvāna gacchati”.
hantvāna → jhatvāna (bj, pts-vp-pli1)“Mittarūpena bahavo, channā sevanti sattavo; Jahe kāpurise hete, kukkuṭo viya senakaṁ.
Yo ca uppatitaṁ atthaṁ, na khippamanubujjhati; Amittavasamanveti, pacchā ca anutappati.
Yo ca uppatitaṁ atthaṁ, khippameva nibodhati; Muccate sattusambādhā, kukkuṭo viya senakā.
Taṁ tādisaṁ kūṭamivoḍḍitaṁ vane, adhammikaṁ niccavidhaṁsakārinaṁ; Ārā vivajjeyya naro vicakkhaṇo, senaṁ yathā kukkuṭo vaṁsakānane”ti.
