“Apacantāpi dicchanti, santo laddhāna bhojanaṁ; Kimeva tvaṁ pacamāno, yaṁ na dajjā na taṁ samaṁ.

Maccherā ca pamādā ca, evaṁ dānaṁ na diyyati; Puññaṁ ākaṅkhamānena, deyyaṁ hoti vijānatā.

Yasseva bhīto na dadāti maccharī, tadevādadato bhayaṁ; Jighacchā ca pipāsā ca, yassa bhāyati maccharī; Tameva bālaṁ phusati, asmiṁ loke paramhi ca.

Tasmā vineyya maccheraṁ, dajjā dānaṁ malābhibhū; Puññāni paralokasmiṁ, patiṭṭhā honti pāṇinaṁ”.

“Duddadaṁ dadamānānaṁ, dukkaraṁ kamma kubbataṁ; Asanto nānukubbanti, sataṁ dhammo durannayo.

Tasmā satañca asataṁ, nānā hoti ito gati;
asataṁ → asatañca (bj, sya1ed, sya2ed, pts-vp-pli1) Asanto nirayaṁ yanti, santo saggaparāyaṇā”.

“Appasmeke pavecchanti, bahuneke na dicchare;
Appasmeke → appampeke (sya1ed, sya2ed) Appasmā dakkhiṇā dinnā, sahassena samaṁ mitā”.

“Dhammaṁ care yopi samuñchakaṁ care, dārañca posaṁ dadamappakasmiṁ;
dadamappakasmiṁ → dadaṁ appakasmipi (pts-vp-pli1) Sataṁ sahassānaṁ sahassayāginaṁ, kalampi nāgghanti tathāvidhassa te”.

“Kenesa yañño vipulo mahagghato, samena dinnassa na agghameti;
mahagghato → mahaggato (sn1.32:1 [32. Maccharisutta]) Kathaṁ sataṁ sahassānaṁ sahassayāginaṁ, kalampi nāgghanti tathāvidhassa te”.
sataṁ sahassānaṁ → kathaṁ sahassānaṁ (bj, sya1ed, sya2ed, pts-vp-pli1)

“Dadanti heke visame niviṭṭhā, chetvā vadhitvā atha socayitvā;
chetvā → jhatvā (bj, pts-vp-pli1); ghatvā (sya1ed, sya2ed) Sā dakkhiṇā assumukhā sadaṇḍā, samena dinnassa na agghameti; Evaṁ sataṁ sahassānaṁ sahassayāginaṁ, kalampi nāgghanti tathāvidhassa te”ti.
sataṁ sahassānaṁ → evaṁ sahassānaṁ (bj, sya1ed, sya2ed, pts-vp-pli1)

Bilārakosiyajātakaṁ dvādasamaṁ.
Bilārakosiyajātakaṁ → biḷārakosiyajātakaṁ (bj); biḷārikosiyajātakaṁ (pts-vp-pli1)