“Vaṇṇavā abhirūposi, ghano sañjātarohito; Cakkavāka surūposi, vippasannamukhindriyo.

Pāṭhīnaṁ pāvusaṁ macchaṁ, balajaṁ muñjarohitaṁ;
balajaṁ → valajaṁ (bj); vālajaṁ (pts-vp-pli1); balajjaṁ (sya1ed, sya2ed) Gaṅgāya tīre nisinno, evaṁ bhuñjasi bhojanaṁ”.
Gaṅgāya tīre nisinno → gaṅgātīre nisinnosi (sya1ed, sya2ed, mr); gaṅgātīresu nisinno (pts-vp-pli1)

“Na vāhametaṁ bhuñjāmi, jaṅgalānodakāni vā;
vāhametaṁ → sabbatthapi Aññatra sevālapaṇakā, etaṁ me samma bhojanaṁ”.
etaṁ → aññaṁ (sya1ed, sya2ed)

“Na vāhametaṁ saddahāmi, cakkavākassa bhojanaṁ; Ahampi samma bhuñjāmi, gāme loṇiyateliyaṁ.
Ahampi → ahañca (?)

Manussesu kataṁ bhattaṁ, suciṁ maṁsūpasecanaṁ; Na ca me tādiso vaṇṇo, cakkavāka yathā tuvaṁ”.

“Sampassaṁ attani veraṁ, hiṁsayaṁ mānusiṁ pajaṁ;
hiṁsayaṁ → hiṁsāya (sya1ed, sya2ed, pts-vp-pli1, mr) Utrasto ghasasī bhīto, tena vaṇṇo tavediso.

Sabbalokaviruddhosi, dhaṅka pāpena kammunā; Laddho piṇḍo na pīṇeti, tena vaṇṇo tavediso.

Ahampi samma bhuñjāmi, ahiṁsaṁ sabbapāṇinaṁ; Appossukko nirāsaṅkī, asoko akutobhayo.

So karassu ānubhāvaṁ, vītivattassu sīliyaṁ; Ahiṁsāya cara loke, piyo hohisi maṁmiva.

Yo na hanti na ghāteti, na jināti na jāpaye; Mettaṁso sabbabhūtesu, veraṁ tassa na kenacī”ti.

Cakkavākajātakaṁ terasamaṁ.