“Kiṁsu naro jappamadhiccakāle, kaṁ vā vijjaṁ katamaṁ vā sutānaṁ; So macco asmiñca paramhi loke, kathaṁ karo sotthānena gutto”.
asmiñca → asmiṁva (pts-vp-pli1)

“Yassa devā pitaro ca sabbe, sarīsapā sabbabhūtāni cāpi;
sarīsapā → siriṁsapā (bj, sya1ed, sya2ed, pts-vp-pli1) Mettāya niccaṁ apacitāni honti, bhūtesu ve sotthānaṁ tadāhu”.

“Yo sabbalokassa nivātavutti, itthīpumānaṁ sahadārakānaṁ; Khantā duruttānamappaṭikūlavādī, adhivāsanaṁ sotthānaṁ tadāhu.

Yo nāvajānāti sahāyamitte, sippena kulyāhi dhanena jaccā;
sahāyamitte → sahāyamatte (bj, pts-vp-pli1) Rucipañño atthakāle matīmā, sahāyesu ve sotthānaṁ tadāhu.
matīmā → mutīmā (bj, pts-vp-pli1)

Mittāni ve yassa bhavanti santo, saṁvissatthā avisaṁvādakassa; Na mittadubbhī saṁvibhāgī dhanena, mittesu ve sotthānaṁ tadāhu.

Yassa bhariyā tulyavayā samaggā, anubbatā dhammakāmā pajātā;
pajātā → sajātā (mr) Koliniyā sīlavatī patibbatā, dāresu ve sotthānaṁ tadāhu.

Yassa rājā bhūtapati yasassī, jānāti soceyyaṁ parakkamañca;
bhūtapati → bhūtapatī (bj, sya1ed, sya2ed, pts-vp-pli1) Advejjhatā suhadayaṁ mamanti, rājūsu ve sotthānaṁ tadāhu.

Annañca pānañca dadāti saddho, mālañca gandhañca vilepanañca; Pasannacitto anumodamāno, saggesu ve sotthānaṁ tadāhu.

Yamariyadhammena punanti vuddhā, ārādhitā samacariyāya santo; Bahussutā isayo sīlavanto, arahantamajjhe sotthānaṁ tadāhu.

Etāni kho sotthānāni loke, viññuppasatthāni sukhudrayāni;
sukhudrayāni → sukhindriyāni (pts-vp-pli1) Tānīdha sevetha naro sapañño, na hi maṅgale kiñcanamatthi saccan”ti.

Mahāmaṅgalajātakaṁ pannarasamaṁ.