“Uṭṭhehi kaṇha kiṁ sesi, ko attho supanena te; Yopi tuyhaṁ sako bhātā, hadayaṁ cakkhu ca dakkhiṇaṁ;
tuyhaṁ → tāyaṁ (pts-vp-pli1) cakkhu ca → cakkhuñca (bj); cakkhu (sya1ed, sya2ed); cakkhuṁva (pts-vp-pli1) Tassa vātā balīyanti, ghaṭo jappati kesava”.
ghaṭo jappati → sasaṁ jappati (?)

“Tassa taṁ vacanaṁ sutvā, rohiṇeyyassa kesavo; Taramānarūpo vuṭṭhāsi, bhātusokena aṭṭito”.

“Kiṁ nu ummattarūpova, kevalaṁ dvārakaṁ imaṁ; Saso sasoti lapasi, ko nu te sasamāhari”.

“Sovaṇṇamayaṁ maṇīmayaṁ, lohamayaṁ atha rūpiyāmayaṁ; Saṅkhasilāpavāḷamayaṁ, kārayissāmi te sasaṁ”.

“Santi aññepi sasakā, araññe vanagocarā; Tepi te ānayissāmi, kīdisaṁ sasamicchasi”.

“Na cāhamete icchāmi, ye sasā pathavissitā;
Na cāhamete → na cāhametaṁ (bj); na vāhamete (sya1ed, sya2ed); na vāhametaṁ (pts-vp-pli1) pathavissitā → paṭhaviṁsitā (bj, sya1ed, sya2ed, pts-vp-pli1) Candato sasamicchāmi, taṁ me ohara kesava”.

“So nūna madhuraṁ ñāti, jīvitaṁ vijahissasi; Apatthiyaṁ yo patthayasi, candato sasamicchasi”.

“Evañce kaṇha jānāsi, yadaññamanusāsasi; Kasmā pure mataṁ puttaṁ, ajjāpi manusocasi”.

“Yaṁ na labbhā manussena, amanussena vā puna;
puna → pana (pv18:9 [Kaṇhapetavatthu]) Jāto me mā marī putto, kuto labbhā alabbhiyaṁ.

Na mantā mūlabhesajjā, osadhehi dhanena vā; Sakkā ānayituṁ kaṇha, yaṁ petamanusocasi”.

“Yassa etādisā assu, amaccā purisapaṇḍitā; Yathā nijjhāpaye ajja, ghaṭo purisapaṇḍito.

Ādittaṁ vata maṁ santaṁ, ghatasittaṁva pāvakaṁ; Vārinā viya osiñcaṁ, sabbaṁ nibbāpaye daraṁ.

Abbahī vata me sallaṁ, yamāsi hadayassitaṁ; Yo me sokaparetassa, puttasokaṁ apānudi.

Sohaṁ abbūḷhasallosmi, vītasoko anāvilo; Na socāmi na rodāmi, tava sutvāna māṇava”.
māṇava → bhātika (pv18:18 [Kaṇhapetavatthu])

“Evaṁ karonti sappaññā, ye honti anukampakā; Nivattayanti sokamhā, ghaṭo jeṭṭhaṁva bhātaran”ti.

Ghaṭapaṇḍitajātakaṁ soḷasamaṁ.
Ghaṭapaṇḍitajātakaṁ → ghatapaṇḍitajātakaṁ (sya1ed, sya2ed); ghatajātakaṁ (pts-vp-pli1)

Dasakanipātaṁ niṭṭhitaṁ.

Tassuddānaṁ

Daḷha kaṇha dhanañjaya saṅkhavaro, raja sattaha kassa ca takkalinā;
sattaha kassa ca → sattāha sasakha (bj); sattāha sasākha (sya1ed, sya2ed) Dhammaṁ kukkuṭa kuṇḍali bhojanadā, cakkavāka subhūrisa sotthi ghaṭoti.