“Tassa nāgassa vippavāsena, virūḷhā sallakī ca kuṭajā ca; Kuruvindakaravīrā bhisasāmā ca, nivāte pupphitā ca kaṇikārā.
Kuruvindakaravīrā → … karavarā (bj, sya1ed, sya2ed)

Kocideva suvaṇṇakāyurā, nāgarājaṁ bharanti piṇḍena; Yattha rājā rājakumāro vā, kavacamabhihessati achambhito”.
achambhito → asambhīto (bj, pts-vp-pli1); asambhito (sya1ed, sya2ed)

“Gaṇhāhi nāga kabaḷaṁ, mā nāga kisako bhava; Bahūni rājakiccāni, tāni nāga karissasi”.
tāni → yāni (bj, pts-vp-pli1)

“Sā nūnasā kapaṇikā, andhā apariṇāyikā; Khāṇuṁ pādena ghaṭṭeti, giriṁ caṇḍoraṇaṁ pati”.

“Kā nu te sā mahānāga, andhā apariṇāyikā; Khāṇuṁ pādena ghaṭṭeti, giriṁ caṇḍoraṇaṁ pati”.

“Mātā me sā mahārāja, andhā apariṇāyikā; Khāṇuṁ pādena ghaṭṭeti, giriṁ caṇḍoraṇaṁ pati”.

“Muñcathetaṁ mahānāgaṁ, yoyaṁ bharati mātaraṁ; Sametu mātarā nāgo, saha sabbehi ñātibhi”.

“Mutto ca bandhanā nāgo, muttamādāya kuñjaro;
muttamādāya kuñjaro → kāsirājena pesito (bj, sya1ed, sya2ed); mutto dāmāto kuñjaro (pts-vp-pli1, bj -nissya) Muhuttaṁ assāsayitvā, agamā yena pabbato.
assāsayitvā → vissamitvāna (bj); assasitvāna (sya1ed, sya2ed, pts-vp-pli1)

Tato so naḷiniṁ gantvā, sītaṁ kuñjarasevitaṁ;
naḷiniṁ → naliniṁ (bj); nilinaṁ (sya1ed, sya2ed) Soṇḍāyūdakamāhatvā, mātaraṁ abhisiñcatha”.
Soṇḍāyūdakamāhatvā → soṇḍāya udakamāhatvā (bj, pts-vp-pli1); soṇḍāya udakamāhitvā (sya1ed, sya2ed, mr)

“Koyaṁ anariyo devo, akālenapi vassati;
akālenapi vassati → akālena pavassati (sya1ed, sya2ed, mr); akālena'tivassati (pts-vp-pli1) Gato me atrajo putto, yo mayhaṁ paricārako”.

“Uṭṭhehi amma kiṁ sesi, āgato tyāhamatrajo; Muttomhi kāsirājena, vedehena yasassinā”.

“Ciraṁ jīvatu so rājā, kāsīnaṁ raṭṭhavaḍḍhano; Yo me puttaṁ pamocesi, sadā vuddhāpacāyikan”ti.

Mātuposakajātakaṁ paṭhamaṁ.
Mātuposakajātakaṁ → mātiposakajātakaṁ (pts-vp-pli1)