“Suṇohi mayhaṁ vacanaṁ janinda, atthena juṇhamhi idhānupatto; Na brāhmaṇe addhike tiṭṭhamāne, gantabbamāhu dvipadindaseṭṭha”.
gantabbamāhu → gantabyamāhu (mr) | dvipadindaseṭṭha → dipadānaseṭṭha (bj, pts-vp-pli1); dvipadānaseṭṭha (sya1ed, sya2ed)

“Suṇomi tiṭṭhāmi vadehi brahme, yenāsi atthena idhānupatto;
yenāsi → yenāpi (sya1ed, sya2ed, mr) Kaṁ vā tvamatthaṁ mayi patthayāno, idhāgamā brahme tadiṅgha brūhi”.

“Dadāhi me gāmavarāni pañca, dāsīsataṁ satta gavaṁsatāni; Parosahassañca suvaṇṇanikkhe, bhariyā ca me sādisī dve dadāhi.

Tapo nu te brāhmaṇa bhiṁsarūpo, mantā nu te brāhmaṇa cittarūpā; Yakkhā nu te assavā santi keci, atthaṁ vā me abhijānāsi kattaṁ.
Yakkhā nu → yakkhāva (bj, pts-vp-pli1)

Na me tapo atthi na cāpi mantā, yakkhāpi me assavā natthi keci; Atthampi te nābhijānāmi kattaṁ, pubbe ca kho saṅgatimattamāsi.
ca kho → pubbeva kho (sya1ed, sya2ed, mr)

Paṭhamaṁ idaṁ dassanaṁ jānato me, na tābhijānāmi ito puratthā; Akkhāhi me pucchito etamatthaṁ, kadā kuhiṁ vā ahu saṅgamo no.

Gandhārarājassa puramhi ramme, avasimhase takkasīlāyaṁ deva; Tatthandhakāramhi timīsikāyaṁ, aṁsena aṁsaṁ samaghaṭṭayimha.
timīsikāyaṁ → timissikāyaṁ (bj); timissakāyaṁ (sya1ed, sya2ed)

Te tattha ṭhatvāna ubho janinda, sārāṇiyaṁ vītisārayimha tattha;
sārāṇiyaṁ → sāraṇīyaṁ (mr) | vītisārayimha → vītisārimha (bj, sya1ed, sya2ed, pts-vp-pli1) Sāyeva no saṅgatimattamāsi, tato na pacchā na pure ahosi.

Yadā kadāci manujesu brahme, samāgamo sappurisena hoti; Na paṇḍitā saṅgatisanthavāni, pubbe kataṁ vāpi vināsayanti.

Bālāva kho saṅgatisanthavāni, pubbe kataṁ vāpi vināsayanti;
Bālāva → bālā ca (bj, sya1ed, sya2ed, pts-vp-pli1) Bahumpi bālesu kataṁ vinassati, tathā hi bālā akataññurūpā.

Dhīrā ca kho saṅgatisanthavāni, pubbe kataṁ vāpi na nāsayanti; Appampi dhīresu kataṁ na nassati, tathā hi dhīrā sukataññurūpā.

Dadāmi te gāmavarāni pañca, dāsīsataṁ satta gavaṁsatāni; Parosahassañca suvaṇṇanikkhe, bhariyā ca te sādisī dve dadāmi.

Evaṁ sataṁ hoti samecca rāja, nakkhattarājāriva tārakānaṁ; Āpūratī kāsipatī tathāhaṁ, tayāpi me saṅgamo ajja laddho”ti.

Juṇhajātakaṁ dutiyaṁ.