“Yasokaro puññakarohamasmi, sadātthuto samaṇabrāhmaṇānaṁ; Maggāraho devamanussapūjito, dhammo ahaṁ dehi adhamma maggaṁ”.

“Adhammayānaṁ daḷhamāruhitvā, asantasanto balavāhamasmi; Sa kissa hetumhi tavajja dajjaṁ, maggaṁ ahaṁ dhamma adinnapubbaṁ”.

“Dhammo have pāturahosi pubbe, pacchā adhammo udapādi loke; Jeṭṭho ca seṭṭho ca sanantano ca, uyyāhi jeṭṭhassa kaniṭṭha maggā”.

“Na yācanāya napi pātirūpā, na arahatā tehaṁ dadeyyaṁ maggaṁ;
na arahatā → na arahati (bj, pts-vp-pli1); na arahattā (sya1ed, sya2ed); arahati (mr) Yuddhañca no hotu ubhinnamajja, yuddhamhi yo jessati tassa maggo”.

“Sabbā disā anuvisaṭohamasmi, mahabbalo amitayaso atulyo; Guṇehi sabbehi upetarūpo, dhammo adhamma tvaṁ kathaṁ vijessasi.

Lohena ve haññati jātarūpaṁ, na jātarūpena hananti lohaṁ; Sace adhammo hañchati dhammamajja, ayo suvaṇṇaṁ viya dassaneyyaṁ.
hañchati → haññati (bj, sya1ed, sya2ed); haññiti (katthaci)

Sace tuvaṁ yuddhabalo adhamma, na tuyha vuḍḍhā ca garū ca atthi;
yuddhabalo adhamma → yuddhabalo'si'dhamma (si); yuddhabalo'sa'dhamma (pts-vp-pli1) vuḍḍhā → vaddhā (bj, pts-vp-pli1) Maggañca te dammi piyāppiyena, vācāduruttānipi te khamāmi”.

“Idañca sutvā vacanaṁ adhammo, avaṁsiro patito uddhapādo; ‘Yuddhatthiko ce na labhāmi yuddhaṁ’, ettāvatā hoti hato adhammo.

Khantībalo yuddhabalaṁ vijetvā, hantvā adhammaṁ nihanitva bhūmyā;
nihanitva → vihanitvā (mr) Pāyāsi vitto abhiruyha sandanaṁ, maggeneva atibalo saccanikkamo.
vitto → citto (sya1ed, sya2ed)

Mātā pitā samaṇabrāhmaṇā ca, asammānitā yassa sake agāre; Idheva nikkhippa sarīradehaṁ, kāyassa bhedā nirayaṁ vajanti te;
vajanti te → vajanti (bj, pts-vp-pli1) Yathā adhammo patito avaṁsiro.

Mātā pitā samaṇabrāhmaṇā ca, susammānitā yassa sake agāre; Idheva nikkhippa sarīradehaṁ, kāyassa bhedā sugatiṁ vajanti te; Yathāpi dhammo abhiruyha sandanan”ti.

Dhammadevaputtajātakaṁ tatiyaṁ.
Dhammadevaputtajātakaṁ → dhammajātakaṁ (bj, pts-vp-pli1)