“Mitto mittassa pānīyaṁ, adinnaṁ paribhuñjisaṁ; Tena pacchā vijigucchiṁ, taṁ pāpaṁ pakataṁ mayā; Mā puna akaraṁ pāpaṁ, tasmā pabbajito ahaṁ.

Paradārañca disvāna, chando me udapajjatha;
udapajjatha → upapajjatha (sya1ed, sya2ed, mr) Tena pacchā vijigucchiṁ, taṁ pāpaṁ pakataṁ mayā; Mā puna akaraṁ pāpaṁ, tasmā pabbajito ahaṁ.

Pitaraṁ me mahārāja, corā agaṇhu kānane;
agaṇhu → agaṇhuṁ (bj, pts-vp-pli1); aggaṇhu (sya1ed, sya2ed); agaṇhi (mr) Tesāhaṁ pucchito jānaṁ, aññathā naṁ viyākariṁ.

Tena pacchā vijigucchiṁ, taṁ pāpaṁ pakataṁ mayā; Mā puna akaraṁ pāpaṁ, tasmā pabbajito ahaṁ.

Pāṇātipātamakaruṁ, somayāge upaṭṭhite; Tesāhaṁ samanuññāsiṁ.

Tena pacchā vijigucchiṁ, taṁ pāpaṁ pakataṁ mayā; Mā puna akaraṁ pāpaṁ, tasmā pabbajito ahaṁ.

Surāmerayamādhukā, ye janā paṭhamāsu no;
Surāmerayamādhukā → … madhukā (bj, sya1ed, sya2ed, pts-vp-pli1) Bahūnaṁ te anatthāya, majjapānamakappayuṁ; Tesāhaṁ samanuññāsiṁ.

Tena pacchā vijigucchiṁ, taṁ pāpaṁ pakataṁ mayā; Mā puna akaraṁ pāpaṁ, tasmā pabbajito ahaṁ”.

“Dhiratthu subahū kāme, duggandhe bahukaṇṭake; Ye ahaṁ paṭisevanto, nālabhiṁ tādisaṁ sukhaṁ”.

“Mahassādā sukhā kāmā, natthi kāmā paraṁ sukhaṁ;
paraṁ → kāmaparaṁ (bj, pts-vp-pli1) Ye kāme paṭisevanti, saggaṁ te upapajjare”.

“Appassādā dukhā kāmā, natthi kāmā paraṁ dukhaṁ; Ye kāme paṭisevanti, nirayaṁ te upapajjare.

Asī yathā sunisito, nettiṁsova supāyiko;
supāyiko → supāyito (mr) Sattīva urasi khittā, kāmā dukkhatarā tato.

Aṅgārānaṁva jalitaṁ, kāsuṁ sādhikaporisaṁ; Phālaṁva divasantattaṁ, kāmā dukkhatarā tato.

Visaṁ yathā halāhalaṁ, telaṁ pakkuthitaṁ yathā;
telaṁ pakkuthitaṁ → telamukkaṭṭhitaṁ (bj, pts-vp-pli1); telaṁ pakkuṭṭhitaṁ (sya1ed, sya2ed) Tambaloha vilīnaṁva, kāmā dukkhatarā tato”ti.
Tambaloha → tambalohaṁ (sya1ed, sya2ed)

Pānīyajātakaṁ pañcamaṁ.