“Etha lakkhaṇa sītā ca, ubho otarathodakaṁ; Evāyaṁ bharato āha, ‘rājā dasaratho mato’”.

“Kena rāmappabhāvena, socitabbaṁ na socasi; Pitaraṁ kālakataṁ sutvā, na taṁ pasahate dukhaṁ”.
kālakataṁ → kālaṅkataṁ (mr)

“Yaṁ na sakkā nipāletuṁ, posena lapataṁ bahuṁ; Sa kissa viññū medhāvī, attānamupatāpaye.

Daharā ca hi vuddhā ca, ye bālā ye ca paṇḍitā;
hi vuddhā ca → ye vuddhā (bj); ye vuḍḍhā (sya1ed, sya2ed) Aḍḍhā ceva daliddā ca, sabbe maccuparāyaṇā.

Phalānamiva pakkānaṁ, niccaṁ patanato bhayaṁ; Evaṁ jātāna maccānaṁ, nicca maraṇato bhayaṁ.

Sāyameke na dissanti, pāto diṭṭhā bahujjanā; Pāto eke na dissanti, sāyaṁ diṭṭhā bahujjanā.

Paridevayamāno ce, kiñcidatthaṁ udabbahe; Sammūḷho hiṁsamattānaṁ, kayirā taṁ vicakkhaṇo.

Kiso vivaṇṇo bhavati, hiṁsamattānamattano;
hiṁsamattānamattano → … mattanā (bj snp3.8:997 [Sallasutta]) Na tena petā pālenti, niratthā paridevanā.

Yathā saraṇamādittaṁ, vārinā parinibbaye;
parinibbaye → vārināva nibbāpaye (sya1ed, sya2ed, mr) Evampi dhīro sutavā, medhāvī paṇḍito naro; Khippamuppatitaṁ sokaṁ, vāto tūlaṁva dhaṁsaye.

Macco ekova acceti, ekova jāyate kule;
ekova → ekova macco (bj, sya1ed, sya2ed, pts-vp-pli1) Saṁyogaparamā tveva, sambhogā sabbapāṇinaṁ.

Tasmā hi dhīrassa bahussutassa, sampassato lokamimaṁ parañca; Aññāya dhammaṁ hadayaṁ manañca, sokā mahantāpi na tāpayanti.

Sohaṁ dassañca bhokkhañca, bharissāmi ca ñātake;
bharissāmi ca → bhariyāpi ca (sya1ed, sya2ed, mr) Sesañca pālayissāmi, kiccametaṁ vijānato.
kiccametaṁ → kiccamevaṁ (pts-vp-pli1)

Dasa vassasahassāni, saṭṭhi vassasatāni ca; Kambugīvo mahābāhu, rāmo rajjamakārayī”ti.

Dasarathajātakaṁ sattamaṁ.